កិច្ចប្រជុំបឋមអំពីការអភិវឌ្ឍគេហទំព័រ និងកម្មវិធីទូរស័ព្ទរបស់គណៈមេធាវីនៃព្រះរាជាណាចក្រកម្ពុជា

នាព្រឹក ថ្ងៃចន្ទ ៣កើត ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២២ ខែធ្នូ ឆ្នាំ២០២៥ គណៈមេធាវីនៃព្រះរាជាណាចក្រកម្ពុជា បានរៀបចំកិច្ចប្រជុំបឋមអំពីការអភិវឌ្ឍគេហទំព័រនិងកម្មវិធីទូរស័ព្ទដៃរបស់គណៈមេធាវីនៃព្រះរាជាណាចក្រកម្ពុជា (BAKC's Website and Mobile App Development) ដឹកនាំដោយលោកមេធាវី គីម សុជាតិ អគ្គលេខាធិការនៃអគ្គលេខាធិការដ្ឋានគណៈមេធាវី និងមានការចូលរួមពីថ្នាក់នាំនៃអគ្គលេខាធិការដ្ឋាន ព្រមទាំងមានការធ្វើបទបង្ហាញដោយអ្នកជំនាញ។ គួរបញ្ជាក់ថា បច្ចុប្បន្ននេះ គណៈមេធាវីកំពុងធ្វើការអភិវឌ្ឍគេហទំព័រនិងកម្មវិធីទូរស័ព្ទដៃ ដើម្បីបន្ទាន់សម័យប្រព័ន្ធគ្រប់គ្រងគណៈមេធាវី ក៏ដូចជាផ្តល់ភាពងាយស្រួលដល់សហភាតាក្នុងការប្រើប្រាស់ និងតាមដានព័ត៌មានអំពីគណៈមេធាវី។

S1 600465133 1405141138071770 3977589656373015846 n