សិក្ខាសាលាផ្សព្វផ្សាយ និងពិគ្រោះយោបល់ស្តីពី «កម្រងបទប្បញ្ញត្តិ និងសទ្ទានុក្រមបច្ចេកវិទ្យាហិរញ្ញវត្ថុ»

នាព្រឹកថ្ងៃអង្គារ ៤រោច ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹង ថ្ងៃទី៩ ខែធ្នូ ឆ្នាំ២០២៥ លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា បានចាត់តាំងលោកមេធាវី សួគ៌ា លឹមដារា សមាជិកក្រុមប្រឹក្សាគណៈមេធាវី ចូលរួមសិក្ខាសាលាផ្សព្វផ្សាយ និងពិគ្រោះយោបល់ស្តីពី «កម្រងបទប្បញ្ញត្តិ និងសទ្ទានុក្រមបច្ចេកវិទ្យាហិរញ្ញវត្ថុ» នៅសណ្ឋាគារ SUN & MOON Riverside Hotel តបតាមការអញ្ជើញរបស់ក្រសួងសេដ្ឋកិច្ច និងហិរញ្ញវត្ថុ។ គួរបញ្ជាក់ផងដែរថា កម្រងបទប្បញ្ញតិ្តគតិយុត្តជាមូលដ្ឋានអភិវឌ្ឍបច្ចេកវិទ្យាហិរញ្ញវត្ថុ និងសទ្ទានុក្រមបច្ចេកវិទ្យាហិរញ្ញវត្ថុ ត្រូវបានរៀបចំដោយអាជ្ញាធរសេវាហិរញ្ញវត្ថុមិនមែនធនាគារ បាននិងកំពុងធ្វើសុវុឌ្ឍិកម្មនិងវិសិដ្ឋកម្មសម្រាប់ឆ្នាំ២០២៥ ដើម្បីលើកកម្ពស់ការអភិវឌ្ឍនិងប្រើប្រាស់បច្ចេកវិទ្យាហិរញ្ញវត្ថុក្នុងវិស័យហិរញ្ញវត្ថុមិនមែនធនាគារ ហើយសិក្ខាសាលានេះ ត្រូវបានរៀបចំក្នុងគោលបំណងជម្រុញការប្រើប្រាស់ ការលើកកម្ពស់អក្ខរកម្មបច្ចេកវិទ្យាហិរញ្ញវត្ថុ និងការផ្សព្វផ្សាយស្នាដៃរបស់អ.ស.ហ. ព្រមទាំងប្រមូលធាតុចូលបន្ថែមពីគ្រប់តួអង្គពាក់ព័ន្ធ ទាំងក្រសួង-ស្ថាប័ន និងវិស័យឯកជន។

• មុន
• បន្ទាប់