កិច្ចប្រជុំលើកទី៧នៃក្រុមការងារចំពោះកិច្ចទទួលបន្ទុកអនុវត្តអនុស្សរណៈនៃការយោគយល់រវាងក្រសួងរៀបចំដែនដី នគរូបនីយកម្ម និងសំណង់ និងគណៈមេធាវីនៃព្រះរាជាណាចក្រកម្ពុជា

នាព្រឹក ថ្ងៃចន្ទ ៨រោច ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៥ ខែកញ្ញា ឆ្នាំ២០២៥ ក្រុមការងារចំពោះកិច្ចទទួលបន្ទុកអនុវត្តអនុស្សរណៈនៃការយោគយល់រវាងក្រសួងរៀបចំដែនដី នគរូបនីយកម្ម និងសំណង់ និងគណៈមេធាវីនៃព្រះរាជាណាចក្រកម្ពុជា បានរៀបចំកិច្ចប្រជុំលើកទី៥ លើការផ្តល់ធាតុចូលលើសេចក្តីព្រាងច្បាប់ភូមិបាល (ថ្មី) ដោយមានលោកមេធាវី អ៊ីវ ប៉ូលី ប្រធានក្រុមការងារ ជាអ្នកដឹកនាំ និងសម្របសម្រួលកិច្ចប្រជុំ។ កិច្ចប្រជុំនាពេលនេះ ជាការបន្តកិច្ចពិភាក្សាលើការផ្តល់ធាតុចូលចំពោះបទប្បញ្ញត្តិ ដូចខាងក្រោម៖ នៅក្នុងជំពូកទី២ ការចុះបញ្ជីដីធ្លីលើកដំបូង ផ្នែកទី៥ ការចុះបញ្ជីដីសហគមន៍ជនជាតិដើមភាគតិច ផ្នែកទី៦ ការប្តឹងតវ៉ា នៃសេចក្តីព្រាងច្បាប់ភូមិបាល ទទួលបន្ទុកដោយ កញ្ញាមេធាវី ឆន ឆៃយ៉ាវត្តី។ នៅក្នុងជំពូកទី៣ ការចុះបញ្ជីបន្ត ផ្នែកទី១ បទប្បញ្ញត្តិទូទៅ នៃសេចក្តីព្រាងច្បាប់ភូមិបាល ទទួលបន្ទុកដោយ កញ្ញាមេធាវី ឈុំ មុនីសុជាតា។

• មុន
• បន្ទាប់