គណៈមេធាវីនៃព្រះរាជាណាចក្រកម្ពុជាទទួលអំណោយជាថវិកាពី លោកមេធាវី សារិន ដេណូរ៉ា

នាព្រឹក ថ្ងៃអង្គារ ១១កើត ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែធ្នូ ឆ្នាំ២០២៥ លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញទទួលអំណោយជាថវិកាចំនួន ៥,០០០ (ប្រាំពាន់) ដុល្លារអាមេរិក ពី លោកមេធាវី សារិន ដេណូរ៉ា ក្នុងគោលបំណងឧបត្ថម្ភ និងគាំទ្រដល់ដំណើរការបោះពុម្ព និងផ្សព្វផ្សាយសៀវភៅ ព្រឹត្តិបត្រផ្នែកច្បាប់ ជាអាទិ៍ ដើម្បីតម្កល់ទុកនៅបណ្ណាល័យគណៈមេធាវី សម្រាប់ប្រើប្រាស់ជាគុណប្រយោជន៍ដល់សហភាតា និងអ្នកស្រាវជ្រាវផ្សេងៗ។ លោកប្រធានបានថ្លែងអំណរគុណដល់លោកមេធាវី សារិន ដេណូរ៉ា សម្រាប់ការឧបត្ថម្ភ គាំទ្រក្នុងកិច្ចការដ៏មានតម្លៃនេះ និងសូមជូនពរ លោកមេធាវី ព្រមទាំងក្រុមគ្រួសារ ជួបតែសេចក្ដីសុខ សេចក្ដីចម្រើន និងជោគជ័យគ្រប់ភារកិច្ច។

L1 605139604 1411083204144230 8519809901686663101 n