នៅរសៀលថ្ងៃសុក្រ ១៤ កើត ខែបុស្ស ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី២ ខែមករា ឆ្នាំ២០២៦ ឯកឧត្តមកិត្តិនីតិកោសលបណ្ឌិត ឱម យ៉ិនទៀង ទេសរដ្ឋមន្រ្តី ប្រធានអង្គភាពប្រឆាំងអំពើពុករលួយ បានអញ្ជើញ ផ្តល់បទឧទ្ទេសនាមច្បាប់ប្រឆាំងអំពើពុករលួយ ដល់សិស្សមេធាវីជំនាន់ទី២០។ សិស្សទាំងអស់មានសេចក្តីសោមនស្សរីករាយត្រងត្រាប់ស្តាប់នៅបទឧទ្ទេសនាមយ៉ាងយកចិត្តទុកដាក់ក្នុងការធ្វើបទបង្ហាញ ហើយស្របក្នុងពេលនេះដែលសិស្សបានតាំងសំណួរដល់ ឯកឧត្តមកិត្តិនីតិកោសលបណ្ឌិតជាច្រើនដើម្បីជួយពន្យល់បកស្រាយបន្ថែមនូវរាល់ចម្ងល់ទាំងពួងជាលទ្ធផលចុងក្រោយ ឯកឧត្តមកិត្តិនីតិកោសលបណ្ឌិត បានកោតសរសើដល់សិស្សមេធាវីជំនាន់ទី ២០ ដែលមានសមត្ថភាពតាំងពីប្រឡងចូលមកដល់ពេលរៀនក្នុងថ្នាក់នេះពិតជាលទ្ធផលមួយ ដែលអង្គភាពប្រឆាំងអំពើពុករលួយ និងគណ:មេធាវីបានរួមគ្នា សម្រិតសម្រាំងបានមកគ្រាប់ពូជយ៉ាងល្អឥតខ្ចោះទាំងនេះ។ មជ្ឈមណ្ឌលសូមថ្លែងអំណរគុណយ៉ាងជ្រាលជ្រៅជាទីបំផុតចំពោះការចំណាយពេលវេលាដ៏មានតម្លៃរបស់ឯកឧត្តមកិត្តិនីតិកោសលបណ្ឌិតនិងសូមជូនពរឯកឧត្តមជួបប្រទះនឹងពុទ្ធពរ៤ប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

• មុន
• បន្ទាប់