រសៀលថ្ងៃព្រហស្បត្តិ៍ ១០កើត ខែជេស្ធ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី០៩ ខែមិថុនា ឆ្នាំ២០២២ នៅវេលាម៉ោង២ រសៀល លោកមេធាវី សូ មូស្សេន្នី ប្រធាននាយកដ្ឋានស្រាវស្រាវ បោះពុម្ព និងផ្សព្វផ្សាយ នៃគណៈមេធាវីនៃព្រះរាជាណាចក្រកម្ពុជា បានរៀបចំកិច្ចប្រជុំពិភាក្សាជាមួយគណៈកម្មការកិច្ចការព្រហ្មទណ្ឌតាមប្រព័ន្ធអនឡាញ ZOOM Meeting តាមរបៀបវារៈមួយចំនួន ជាអាទិ៍៖

១-បច្ចុប្បន្នភាពនៃសមាជិក-សមាជិកា គណៈកម្មការកិច្ចការព្រហ្មទណ្ឌ

២-ពិភាក្សាលើករណីសិក្សា ២ សំណុំ

៣-កំណត់អំពីផែនការ ពេលវេលា ប្រធានបទ ស្នើសុំឬ ចាត់តាំងសមាជិក-សមាជិកាគណៈកម្មការ ដើម្បីចូលរួមជាវាគ្មិនក្នុងកម្មវិធីជជែកអំពីច្បាប់របស់ BTV ការសរសេរអត្ថបទសម្រាប់ព្រឹត្តិបត្រគណៈមេធាវី និងកម្មវិធីផ្សេងទៀតរបស់គណៈមេធាវី ដែលពាក់ព័ន្ធនឹងវិស័យព្រហ្មទណ្ឌ។

៤.ពិនិត្យនិងសម្រេចលើសេចក្តីព្រាងបទបញ្ជាផ្ទៃក្នុង។

៥-កំណត់ពេលសម្រាប់កិច្ចប្រជុំនាថ្ងៃខាងមុខ។

កិច្ចប្រជុំបានបញ្ចប់នៅម៉ោង៥ ល្ងាច នាថ្ងៃដដែល។