កិច្ចប្រជុំគណៈកម្មការបោះឆ្នោតជ្រើសតាំងសមាជិកក្រុមប្រឹក្សាគណៈមេធាវី អាណត្តិទី១០ (២០២១-២០២៤)

នៅថ្ងៃព្រហស្បតិ៍ ២រោច ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៣ ខែកញ្ញា ឆ្នាំ២០២១ នៅទីស្នាក់ការគណៈមេធាវីនៃព្រះរាជាណាចក្រកម្ពុជា

មានរៀបចំកិច្ចប្រជុំគណៈកម្មការបោះឆ្នោតជ្រើសតាំងសមាជិកក្រុមប្រឹក្សាគណៈមេធាវី អាណត្តិទី១០ (២០២១-២០២៤) ក្រោមអធិបតីភាព ឯកឧត្តម លី ច័ន្ទតុលា ប្រធានគណៈមេធាវី ដើម្បីណែនាំពីសមាសភាពនៃគណៈកម្មការបោះឆ្នោត ព្រមទាំងតួនាទីនិងភារកិច្ចរបស់គណៈកម្មការបោះឆ្នោត ដែលត្រូវអនុវត្តការងារ ស្របតាមច្បាប់ស្តីពីលក្ខន្តិកៈមេធាវី បទបញ្ជាផ្ទៃក្នុងនៃគណៈមេធាវី និងបទបញ្ជានិងនីតិវិធីនៃការបោះឆ្នោតជ្រើសតាំងសមាជិកក្រុមប្រឹក្សាគណៈមេធាវី អាណត្តិទី១០ (២០២១-២០២៤) ដើម្បីឱ្យការបោះឆ្នោតដំណើរការដោយរលូន តម្លាភាព និងយុត្តិធម៌។