គណៈមេធាវីនៃព្រះរាជាណាចក្រកម្ពុជា ទទួលអំណោយពី ក្រុមមេធាវី អិល អាយ អិម

នាព្រឹក ថ្ងៃចន្ទ ៣កើត ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២២ ខែធ្នូ ឆ្នាំ២០២៥ លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញទទួលអំណោយពី ក្រុមមេធាវី អិល អាយ អិម រួមមានដូចជា អង្ករ ១,០០០ គីឡូ ទឹកសុទ្ធ ៥០ កេស ទឹកត្រី ១២០ ដប ទឹកស៊ីអុីវ ១២០ ដប ប៊ីចេង ៥០ កញ្ចប់ និងនំកូនតោ ១០ កេស។ លោកប្រធានបានថ្លែងអំណរគុណដល់ លោកស្រីមេធាវី កង លាប ប្រធានក្រុមមេធាវី អិល អាយ អិម និងក្រុមការងារដែលបានផ្ដល់នូវអំណោយខាងលើជូនដល់គណៈមេធាវីនៃព្រះរាជាណាចក្រកម្ពុជា ដើម្បីចាត់ចែងជួយដល់កងទ័ព ក៍ដូចជាពលរដ្ឋភៀសសឹក នៅក្នុងគ្រាលំបាកនេះ។ លោកប្រធានបានជូនពរ លោកស្រីមេធាវី កង លាប ប្រធានក្រុមមេធាវី អិល អាយ អិម និងក្រុមការងារ សូមឱ្យជួបប្រទះតែសេចក្តីសុខ និងសម្រេចជោគជ័យគ្រប់ភារកិច្ច។

U1 602356090 1405752248010659 5800139450170567079 n