កម្មវិធី ៣ សំណួរនេះ ត្រូវបានរៀបចំបង្កើតឡើងតាមគំនិតផ្តួចផ្តើមរបស់ឯកឧត្តម លី ច័ន្ទតុលា ប្រធានគណៈមេធាវី ដោយមាននាយកដ្ឋានស្រាវជ្រាវ បោះពុម្ភ និងផ្សព្វផ្សាយ

ជាសេនាធិការទទួលបន្ទុករៀបចំផលិត ក្នុងគោលបំណងផ្សព្វផ្សាយច្បាប់ជូនសាធារណៈជនដោយបានរៀបចំជាសំណួរពាក់ព័ន្ធនឹងច្បាប់ចំនួន ០៣ សំណួរ ដែលជាសំណួរសាមញ្ញពាក់ព័ន្ធនឹងជីវភាពរស់នៅប្រចាំថ្ងៃរបស់ប្រជាពលរដ្ឋ ហើយឱ្យវាគ្មិនដែលជាមេធាវីមានចំណេះដឹងនិងបទពិសោធន៍ ផ្តល់ចម្លើយខ្លីៗ សាមញ្ញៗ ហើយមានន័យគ្រប់គ្រាន់ ធ្វើយ៉ាងណាឱ្យសាធារណៈជនងាយយល់។

នេះជាវីដេអូទី៣ នៃកម្មវិធី ៣ សំណួរ ដែលពាក់ព័ន្ធនឹង “អាពាហ៍ពិពាហ៍” ដោយមានវត្តមានរបស់កញ្ញាមេធាវី កូវ ចាន់រីណា សមាជិកគណៈមេធាវីនៃព្រះរាជាណាចក្រកម្ពុជា ធ្វើជាវាគ្មិន ហើយសំណួរទាំង ៣ នោះរួមមាន៖ ១. តើអាពាហ៍ពិពាហ៍ មានអត្ថន៍យយ៉ាងដូចម្តេចក្នុងទិដ្ឋភាពច្បាប់? ២. តើអាពាហ៍ពិពាហ៍អាចត្រូវបានបង្កើតឡើងដោយមានលក្ខខណ្ឌអ្វីខ្លះ? និង ៣. ក្រោយរៀបអាពាហ៍ពិពាហ៍ ប្តីប្រព័ន្ធមានសិទ្ធិនិងករណីយកិច្ចអ្វីខ្លះចំពោះគ្នាទៅវិញទៅមក?

តាមរយៈកម្មវីធី ៣ សំណួរនេះ គណៈមេធាវីនៃព្រះរាជាណាចក្រកម្ពុជា មានជំនឿយ៉ាងមុតម៉ាំថាវីដេអូនេះនឹងចូលរួមចំណែកផ្សព្វផ្សាយច្បាប់ជូនសាធារណៈជនបានយ៉ាងទូលំទូទាយ ហើយប្រសិនបើសាធារណជនដែលចម្ងល់ផ្នែកច្បាប់សូមទំនាក់ទំនងមកកាន់គណៈមេធាវី។

• មុន
• បន្ទាប់