ប្រធានគណៈមេធាវីអាណត្តិទី ៩
មាតិកា
លិខិតបទដ្ឋានគតិយុត្តនានា
ស្តាប់ចម្រៀងគណៈមេធាវី (និពន្ធដោយ ឯកឧត្តម ជីវ សុងហាក់)
ទំនាក់ទំនង
អាសយដ្ឋានអគាររដ្ឋបាល ៖ អគារស្ថិតនៅកាច់ជ្រុងផ្លូវលេខ ១១២៩ និងផ្លូវលេខ ១៩៣០ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
អាសយដ្ឋាននាយកដ្នានការពារក្តីជូនជនក្រីក្រ ៖ អគារលេខ ១០-១១E0E1E2 ផ្លូវលេខ ១៨០ សង្កាត់បឹងរាំង ខណ្ឌដូនពេញ រាជធានីភ្នំពេញ។
ប្រអប់សំបុត្រលេខ ៖ ១៥៨៧
ទូរស័ព្ទលេខ ៖ (855) 23 864 078
ទូរសារលេខ ៖ (855) 23 864 076
អ៊ីម៉ែល ៖ info@bakc.org.kh
| ការដកហូតសមត្ថកិច្ចជំនុំជម្រះ និងបណ្តឹងដិតចិត្ត |
 |
 |
 |
| ថ្ងៃព្រហស្បតិ៍ ទី08 ខែកក្កដា ឆ្នាំ2010 ម៉ោង 11:03 |
|
មាត្រា ២៧.- ការដកហូតចៅក្រមពីសមត្ថកិច្ចជំនុំជម្រះ ១-ចៅក្រមត្រូវដកហូតពីការអនុវត្ដមុខការរបស់ខ្លួនក្នុងករណីដែលបានកំណត់ដូចខាងក្រោមនេះ ៖ ក-កាលណាចៅក្រម ឬ សហព័ទ្ធរបស់ចៅក្រម ឬ អតីតសហព័ទ្ធរបស់ចៅក្រមជាភាគីណាមួយក្នុងរឿងក្ដី ។ ខ-កាលណាចៅក្រមជាញាតិលោហិតក្នុងថ្នាក់ទី ៦ (ប្រាំមួយ) ឬ ញាតិពន្ធក្នុងថ្នាក់ទី ៣ (បី) ឬ អតីតញាតិពន្ធក្នុងថ្នាក់ទី ៣ (បី) របស់ភាគីណាមួយ ។ គ-កាលណាចៅក្រមជាអ្នកអាណាព្យាបាលរបស់ភាគីណាមួយ ។ ឃ-កាលណាចៅក្រមដែលទទួលបន្ទុករឿងក្ដី ធ្លាប់ ឬ កំពុងមានវិវាទនៅតុលាការជាមួយភាគីណាមួយ ។ ង-កាលណាចៅក្រមបានធ្វើជាសាក្សី ឬ ធ្វើជាអ្នកជំនាញក្នុងរឿងក្ដី ។ ច-កាលណាចៅក្រមជាអ្នកតំណាង ឬ ធ្លាប់ជាអ្នកតំណាង ឬ ជាអ្នកជំនួយឱ្យភាគីចំពោះរឿងក្ដី ។ ឆ-កាលណាចៅក្រមបានចូលរួមក្នុងការសម្រេចសេចក្ដីមជ្ឈត្ដករចំពោះរឿងក្តីឬបានចូលរួមក្នុងការសម្រេចសេចក្ដីនៅក្នុងការជំនុំជម្រះលើកទី ១ ដែលបានឧបាស្រ័យ ឬការជំនុំជម្រះនៃបណ្ដឹងឧទ្ធរណ៍ដែលបានឧបាស្រ័យ ឬ បង្ហាញមតិយោបល់ណែនាំផ្នែកច្បាប់ ចំពោះរឿងក្ដី ។ ២-ក្នុងករណីដូចមានមូលហេតុនៃការដកហូត ដែលបានកំណត់ក្នុងកថាខណ្ឌទី ១ ខាងលើនេះ តុលាការត្រូវសម្រេចសេចក្ដីអំពីការដកហូតនោះ តាមពាក្យសុំ ឬ ដោយឆន្ទានុសិទ្ធិរបស់ខ្លួន ។ មាត្រា ២៨.- បណ្ដឹងដិតចិត្ដចៅក្រម ១-ក្នុងករណីដែលមានកាលៈទេសៈដែលបណ្ដាលឱ្យមានការលំអៀងក្នុងការជម្រះក្ដី ចំពោះចៅក្រមណាម្នាក់ នោះភាគីអាចប្ដឹងដិតចិត្ដចៅក្រមនោះបាន ។ ២-ក្នុងករណីដែលភាគីបានឆ្លើយទាញហេតុផលចំពោះមុខចៅក្រម ឬ បានធ្វើសេចក្ដីដោះសានៅក្នុងនីតិវិធីត្រៀមសម្រាប់ការទាញហេតុផលចំពោះមុខចៅក្រមរួចហើយនោះ ភាគីមិនអាចប្ដឹងដិតចិត្ដចៅក្រមនោះបានឡើយ ។ ប៉ុន្ដែ បញ្ញត្ដិនេះមិនត្រូវយកមកអនុវត្ដឡើយចំពោះករណីដែលភាគីនោះមិនបានដឹងអំពីមូលហេតុដែលអាចប្ដឹងដិតចិត្ដ ឬ ករណីដែលមូលហេតុនៃបណ្ដឹងដិតចិត្ដបានកើតឡើងនៅពេលក្រោយ ។ មាត្រា ២៩.- ការដកខ្លួនរបស់ចៅក្រម ក្នុងករណីដែលបានកំណត់ក្នុងកថាខណ្ឌទី ១ នៃមាត្រា ២៧ (ការដកហូតចៅក្រមពីសមត្ថកិច្ចជំនុំជម្រះ) ឬ កថាខណ្ឌទី ១ នៃមាត្រា ២៨ (បណ្ដឹងដិតចិត្ដចៅក្រម) នៃក្រមនេះចៅក្រមអាចដកខ្លួនបាន ដោយទទួលការអនុញ្ញាតពីប្រធានតុលាការដែលខ្លួនស្ថិតនៅក្រោម ។ មាត្រា ៣០.- ការសម្រេចសេចក្ដីអំពីពាក្យសុំដកហូត ឬ បណ្ដឹងដិតចិត្ដ ១-ចំពោះការដកហូតចៅក្រម ឬ បណ្តឹងដិតចិត្តចំពោះចៅក្រម ក្រុមប្រឹក្សាជំនុំជម្រះនៅតុលាការដែលចៅក្រមនោះស្ថិតនៅក្រោម ត្រូវសម្រេចសេចក្ដី ដោយដីកាសម្រេច ។ ២-ចៅក្រមមិនអាចចូលរួមក្នុងការសម្រេចសេចក្ដីអំពីការដកហូត ឬ បណ្ដឹងដិតចិត្ដចំពោះខ្លួនបានទេ ។ ប៉ុន្តែ ចៅក្រមនោះអាចបញ្ចេញ មតិយោបល់អំពីពាក្យសុំនូវការដកហូត ឬ បណ្ដឹងដិតចិត្ដបាន ។ ៣-ពាក្យសុំនូវការដកហូត ឬ បណ្តឹងដិតចិត្ត ត្រូវបានធ្វើឡើងដោយធ្វើសេចក្ដីបញ្ជាក់ដំបូងជាលាយល័ក្ខណ៍អក្សរនូវមូលហេតុ ។ ៤-ពេលដែលមានពាក្យសុំនូវការដកហូត ឬ បណ្ដឹងដិតចិត្ដ នីតិវិធីនៃបណ្ដឹងត្រូវបានផ្អាករហូតដល់ពេលដែលដីកាសម្រេចអំពីបណ្ដឹងនេះ ចូលជាស្ថាពរ ។ ប៉ុន្ដែ បញ្ញត្ដិនេះមិនត្រូវយកមកអនុវត្ដឡើយ ចំពោះសកម្មភាពដែលត្រូវការជាបន្ទាន់ ដូចជាការថែរក្សាការពារភស្ដុតាង ជាអាទិ៍ ។ ៥-ចំពោះដីកាសម្រេចដែលសម្រេចថា ការដកហូត ឬ បណ្ដឹងដិតចិត្ដមានមូលហេតុត្រឹមត្រូវនោះ មិនអាចប្ដឹងឧបាស្រ័យឡើយ ។ ៦-ចំពោះដីកាសម្រេចដែលសម្រេចថា ការដកហូត ឬ បណ្ដឹងដិតចិត្ដពុំត្រឹមត្រូវអាចប្ដឹងជំទាស់បាន ។ មាត្រា ៣១.- ការអនុវត្ដដូចគ្នាចំពោះក្រឡាបញ្ជី បញ្ញត្ដិនៃផ្នែកនេះត្រូវយកមកអនុវត្ដដូចគ្នាផងដែរ ចំពោះក្រឡាបញ្ជី ។ ក្នុងករណីនេះ ការសម្រេចសេចក្ដីអំពីពាក្យសុំនូវការដកហូត ឬ បណ្ដឹងដិតចិត្ដ ត្រូវធ្វើដោយតុលាការដែលក្រឡាបញ្ជីនោះស្ថិតនៅក្រោម ។ |
| បានបន្ទាន់សម័យចុងក្រោយបំផុតនៅ ថ្ងៃព្រហស្បតិ៍ ទី08 ខែកក្កដា ឆ្នាំ2010 ម៉ោង 11:40 |
ឯកសារផ្សេងៗ
សូមផ្តល់យោបល់ ឬ សំណូមពរ
អត្ថន័យសំគាល់ត្រាគណៈមេធាវី និងសំគាល់ត្រាមេធាវី
បញ្ជីសមាជិកគណៈមេថាវី
ស្វែងរកមេធាវី
ដើម្បីស្វែងរកមេធាវី សូមចូលទៅកាន់ទំព័រ សមាជិកគណៈមេធាវី តាមរយៈម៉ឺនុយខាងលើ ហើយចុចលើ មេធាវី
វចនានុក្រមច្បាប់
ស្ថិតិអ្នកទស្សនា
 | ថ្ងៃនេះ | 174 |
 | ម្សិលមិញ | 288 |
 | សប្តាហ៍នេះ | 2587 |
 | សប្តាហ៍មុន | 2698 |
 | ខែនេះ | 10291 |
 | ខែមុន | 13604 |
 | សរុប | 426488 |
IP របស់អ្នក 54.224.75.101
,
កាលបរិច្ឆេទ ៖ 25 ឧសភា, 2013