១. ការចូល​ជា​សមាជិក​មេធាវី​តាមរយៈ​ការប្រលង​ចូល​សិក្សា​នៅ​មជ្ឈមណ្ឌល​បណ្តុះបណ្តាល និង​សុក្រឹតការវិ​ជ្ជាជីវៈ​មេធាវីលក្ខណៈ​សម្បតិ្ត​ក្នុង​ការប្រលង​ចូលរៀន​នៅ​មជ្ឈមណ្ឌល

១.១. លក្ខណៈសម្បតិ្តក្នុងការប្រលងចូលរៀននៅមជ្ឈមណ្ឌល

1. មានសញ្ជាតិខែ្មរ
2. មានសញ្ញាបត្របរិញ្ញាបត្រច្បាប់ ឬ សញ្ញាបត្រមានតមៃ្ល
3. មានសញ្ញាបត្រមធ្យមសិក្សានីតិសាស្រ្តហើយមានបទពិសោធន៏​ការងារ​វិស័យ​ច្បាប់ ២ឆ្នាំ យ៉ាងតិច
4. មិនធ្លាប់មានទោស បទល្មើសណាមួយ
5. មិនដែលមានការប្រកាសក័្សយធនដោយតុលាការ

១.២. ការប្រលង​ចូល​រៀន​នៅ​មជ្ឈមណ្ឌល​បណ្តុះ​បណ្តាល និង​សុក្រឹត​ការ​វិជ្ជាជីវៈ​មេធាវី

១.២.១. បេក្ខជនត្រូវតែប្រលងជាប់ដោយជោគជ័យលើវិញ្ញាសាប្រលង

• វិញ្ញាសាប្រលងសរសេរ ស្តីពី ១) ច្បាប់​ព្រហ្មទណ្ឌ និង​នីតិវិធី​ព្រហ្មទណ្ឌ និង ២) ច្បាប់​រដ្ឋប្បវេណី និង នីតិវិធី​រដ្ឋប្បវេណី។
• វិញ្ញាសាផ្ទាល់មាត់ ស្តីពី ១) ច្បាប់​ការងារ ២) នីតិ​រដ្ឋបាល ៣)ច្បាប់​ពាណិជ្ជកម្ម វិញ្ញាសា​នេះធ្វើ​ដោយការចាប់​ឆ្នោត​ជ្រើសរើស

១.២.២. ការសិក្សានៅមជ្ឈមណ្ឌល

បេក្ខជន​ដែល​បាន​ប្រលង​ជាប់ត្រូវ​ចូល​រៀន​នៅ​មជ្ឈ​មណ្ឌល​រយៈពេល​១​ឆ្នាំ។ ការ​សិក្សា​​នៅ​មជ្ឈមណ្ឌល​គឺ​ផ្តោត​ទៅ​លើទាំង​ទ្រឹស្តី និង​ការអនុវត្ត ដែល​បង្ហាត់​បង្ហាញ​ដោយ​គូ្រ​មាន​បទ​ពិសោធន៍​ល្អៗ ។

១.២.៣. ការចុះកម្មសិក្សាជាមេធាវីកម្មសិក្សា

បន្ទាប់​ពី​បាន​សិក្សា​នៅ​មជ្ឈមណ្ឌល​ចប់ និង ទទួល​បាន​ជោគជ័យ​សិស្ស​មេធាវី​ទាំង​នោះត្រូវទៅ​ធ្វើសច្ចាប្រណិធាន​នៅ ចំពោះ​មុខ​សាលា​​ឧទ្ឋរណ៏ ​ហើយ​ត្រូវ​ធ្វើ​កម្ម​សិក្សា​នៅ​ក្នុង​ការិយាល័យ​មេធាវី​ឯកជន​ចំនួន ១ឆ្នាំ​បន្ទាប់​ពី​បាន​ការឯកភាព​យល់ព្រម​ពីសមាជិក​ក្រុមប្រឹក្សា​គណៈមេធាវី មក ។ ក្នុង​អំឡុង ពេល​នៃ​ការសិក្សា​នេះ​មេធាវី​កម្មសិក្សា​ការី​ត្រូវ​ស្ថិត​នៅ​ក្រោម​ការណែនាំ និង​គ្រប់​គ្រង​ដោយ​មេធាវី គ្រូ​កម្មសិក្សា​នោះ ។

២. ការចូល​ជា​សមាជិក​មេធាវី​ដោយ​មិន​បាន​សិក្សា​នៅមជ្ឈមណ្ឌល​បណ្តុះបណ្តាល​និង សុក្រឹតការ​វិជ្ជា ជីវៈមេធាវី

២.១. លក្ខណៈសម្បត្តិក្នុងការដាក់ពាក្យសុំ

1. ចៅក្រម​ដែល​បាន​បម្រើ​ការងារ​ក្នុង​វិជ្ជាជីវៈ​របស់​ខ្លួន​លើស​ពី ៥ឆ្នាំ និង​អតីត​ចៅក្រម​ដែល​មាន​សញ្ញាបត្រ​មធ្យម​សិក្សា​ច្បាប់​ហើយ​ដែល​បាន​បម្រើ ក្នុង​វិជ្ជាជីវៈ​របស់​ខ្លួន​លើស​ពី ២ឆ្នាំ ។
2. មេធាវី​ដែល​មាន​សញ្ជាតិដើម​ជា​ខែ្មរ​ដែល​បាន​ចុះ​ឈ្មោះក្នុង​បញ្ជី​គណៈមេធាវី​នៅ​ប្រទេស​ក្រៅ
3. អ្នក​មាន​សញ្ញាបត្រ​បណ្ឌិត​ច្បាប់
4. អ្នក​មាន​បរិញ្ញាបត្រ​ច្បាប់​ហើយ​ដែល​បាន​បម្រើ​ការងារ​ក្នុង​វិស័យច្បាប់ ឬ តុលាការ​លើស​ពី ២ឆ្នាំ

២.២. នីតិវិធីនៃការស្នើសុំ

1. បំពេញ​ពាក្យ​សុំ​ដោយដាក់​នៅ​ការិយាល័យ​រដ្ឋបាល​របស់​គណៈមេធាវី
2. ប្រធាន​គណៈ​មេធាវី​ចាត់​តាំង​អ្នក​អង្កេត ដើម្បី​ធ្វើការ​អង្កេត​និង ស្រាវជ្រាវ
3. សម្ភាសន៏​បេក្ខជន​ដោយ​ប្រធាន និង​សមាជិក​ក្រុមប្រឹក្សា​គណៈមេធាវី​ដោយ​ផ្ទៀងផ្ទាត់​បញ្ជាក់​លើ​របាយការណ៍ នៃ​ការ​អងេ្កត
4. បញ្ជូន​ពាក្យ​សុំ​ទៅ​អគ្គព្រះរាជអាជ្ញា​សាលាឧទ្ឋរណ៍​ដើម្បី​សុំយោបល់
5. ប្រជុំ​ក្រុមប្រឹក្សា​គណៈមេធាវី​ដើម្បី​សម្រេច​លើ​ការស្នើសុំ
6. ប្រសិន​បើ​ក្រុមប្រឹក្សា​គណៈ​មេធាវី​បដិសេធ​លើ​ការស្នើ​សុំ​នេះ បេក្ខជន​នឹង​ត្រូវ​បាន​កោះ​អញ្ជើញ​មក​ធ្វើ​ការ​ការពារ​ខ្លួន​លើការស្នើ សុំ​នេះ​នៅ​ចំពោះ​មុខ​ក្រុម​ប្រឹក្សា​គណៈមេធាវី
7. ប្រសិន​បើ​ការអនុញ្ញាត​នេះ​ត្រូវ​បាន​ក្រុម​ប្រឹក្សា​គណៈ​មេធាវី​បដិសេធ​ជា លើក​ទី២​បេក្ខជន​នោះ​អាច​ធ្វើ​ការ​ប្ដឹងឧទ្ឋរណ៍​ទៅអគ្គព្រះរាជអាជ្ញា​ សាលា​ឧទ្ឋរណ៍​ក្នុង​រយៈពេល​១៥​ថៃ្ង​បន្ទាប់​ពី​បាន​ទទួល​ដំណឹង​ពី​សេចក្តី​សម្រេច​នោះ ។
8. សាលា​ឧទ្ឋរណ៍​អាចបដិ​សេធ ឬ​ទទួល​យក​សេចក្តី​សម្រេច​របស់​ក្រុម​ប្រឹក្សា​គណៈមេធាវី​បាន ។ ប្រសិន​បើ​សាលា​ឧទ្ឋរណ៍​បដិសេធ​លើ​សេចក្តី​សម្រេច​របស់​ក្រុម​ប្រឹក្សា គណៈមេធាវី​នោះ​បេក្ខជន​អាច​អនុញ្ញាត​ឲ្យ​ចូល​បាន​ដោយ​គណៈមេធាវី
9. បេក្ខជន​ដែល​អនុញ្ញាត​ឲ្យ​ហើយ​ត្រូវ​ធ្វើ​សច្ចាប្រណិធាន​នៅ​សាលា​ឧទ្ឋរណ៍
10. បេក្ខជន​ដែល​អនុញ្ញាត​ឲ្យ​ហើយ​ត្រូវ​ធ្វើ​កម្មសិក្សា​នៅ​ក្នុង​ការិយាល័យ មេធាវី​ឯកជន​ចំនួន​១​ឆ្នាំ​មុន​ពេល​ក្លាយ ជា​មេធាវី​ពេញ​សិទ្ឋិ