មាតិកា
លិខិតបទដ្ឋានគតិយុត្តនានា
ស្តាប់ចម្រៀងគណៈមេធាវី (និពន្ធដោយ ឯកឧត្តម ជីវ សុងហាក់)
ទំនាក់ទំនង
អាសយដ្ឋាន ៖ អគារលេខ ១០-១១E0E1E2 ផ្លូវលេខ ១៨០ សង្កាត់បឹងរាំង ខណ្ឌដូនពេញ រាជធានីភ្នំពេញ។
ប្រអប់សំបុត្រលេខ ៖ ១៥៨៧
ទូរស័ព្ទលេខ ៖ (855) 23 220 237
ទូរសារលេខ ៖ (855) 23 213 658
អ៊ីម៉ែល ៖ info@bakc.org.kh
| សុន្ទរកថា ឯកឧត្តម ជីវ សុងហាក់ ប្រធានគណៈមេធាវីអាណត្តិទី៨ បិទសន្និសីទអន្តរជាតិ ស្តីពី អំពើហិង្សាផ្លូវភេទ (ដែលរៀបចំឡើងដោយក្រុមអ្នកច្បាប់ការពារសិទ្ធិកម្ពុជាក្រោមការឧបត្ថម្ភរបស់អង្គការ DEDប្រទេសអាឡឺម៉ង់ ) នៅសណ្ឋាគារកាំបូតយ៉ាណា |
 |
 |
 |
| ថ្ងៃសុក្រ ទី05 ខែវិច្ឆិកា ឆ្នាំ2010 ម៉ោង 08:01 |
|
សូមជម្រាបសួរ លោកមេធាវី សុខ សំអឿន ប្រធានក្រុមអ្នកច្បាប់ការពារសិទ្ធិកម្ពុជា អស់លោក លោកស្រី ភ្ញៀវជាតិ និងអន្តរជាតិ ដែលបានចូលរួមក្នុងសន្និសីទនេះ
ថ្ងៃនេះខ្ញុុំមានកិត្តិយស និងសេចក្តីសោមន្សរីករាយជាអនេកកប្បកា ដែលបានចូលរួមជាអធិបតី ក្នុងពិធីបិទសន្និសីទអន្តរជាតិស្តីពី «អំពើហិង្សាផ្លូវភេទ» ដែលរៀបចំឡើងដោយក្រុមអ្នកច្បាប់ការពារសិទ្ធិកម្ពុជា ក្រោមការឧបត្ថម្ភរបស់អង្គការDEDប្រទេសអាឡឺម៉ង់ ។
តាងនាមគណៈមេធាវីនៃព្រះរាជាណាចក្រកម្ពុជា និងក្នុងនាមខ្ញុំផ្ទាល់ ខ្ញុំសូមកោតសរសើរ និងចូលរួមអបអរសាទរ គាំទ្រអស់ពីចិត្តចំពោះការផ្តួចផ្តើមអោយមាន សន្នីសិទនេះឡើង ។ រយៈពេល២ថ្ងៃនេះ គឺជាការចែករំលែកបទពិសោធន៍ពាក់ព័ន្ធនឹងអំពើហិង្សាផ្លូវភេទ ដែលកើតមានឡើងនៅក្នុងរបបប្រល័យពូជសាសន៍ខ្មែរក្រហម និងនៅតាមបណ្តាប្រទេស ផ្សេងៗទៀតក្នុងសម័យសង្គ្រាម ដោយមានការអញ្ជើញអ្នកជំនាញមកពីបណ្តាប្រទេសនានាដែលធ្លាប់បានចូលរួមក្នុងតុលាការអន្តរជាតិ និងអ្នកជំនាញពីព្រះរាជាណាចក្រកម្ពុជា ដើម្បីជជែកពិភាក្សា ចែករំលែកបទពិសោធន៍ ផ្លាស់ប្តូរយោបល់គ្នា ពាក់ព័ន្ធនឹងតុលាការឧក្រិដ្ឋកម្មអន្តរជាតិសម្រាប់អតីតប្រទេសយូហ្គោស្លាវី ប្រទេសរូ៉វ៉ាន់ដា តុលាការពិសេសសម្រាប់ ប្រទេសសេរ៉ាឡេអូន តុលាការឧក្រិដ្ឋកម្មអន្តរជាតិ ពីប្រទេសជប៉ុន ពីប្រទេសទីម័រខាងកើត និងអង្គជំនុំជម្រះវិសាមញ្ញក្នុងតុលាការកម្ពុជា ដើម្បីលើកកម្ពស់ការយល់ដឹងអោយកាន់តែទូលំទូលាយពីបញ្ហាអំពើហិង្សារផ្លូវភេទ ក្រោមរបបប្រល័យពូជសាសន៍ ក្នុងបរិបទជម្លោះ និងការតស៊ូមតិនានា ដើម្បីអោយបញ្ហានេះ ត្រូវបានយកមកកាត់ទោសកម្រិតអន្តរជាតិ ជាពិសេសការកាត់ទោសនៅក្នុងអង្គជំនុំជម្រះវិសាមញ្ញក្នុងតុលាការកម្ពុជា ម្យ៉ាងទៀតដើម្បីស្វែងរកអនុសាសន៍ជាក់លាក់ជុំវិញបញ្ហាអំពើហិង្សាផ្លូវភេទ ក្នុងបរិបទជម្លោះ ជូនចំពោះអង្គជំនុំជម្រះវិសាមញ្ញ ក្នុងតុលាការកម្ពុជា ក្នុងការបំពេញការងាររបស់ខ្លួន ។
តាមរយៈបទបង្ហាញពីអ្នកជំនាញជាតិ និងអន្តរជាតិ និងការសួរដេញដោល បានធ្វើ អោយចំណេះដឹង និងបទពិសោធន៍ថ្មីៗពីសន្និសីទនេះ មានសារៈសំខាន់សម្រាប់អ្នក អនុវត្តច្បាប់ដូចជា មេធាវី ចៅក្រម ព្រះរាជអាជ្ញា និងសាធារណជនទូទៅ ដើម្បីជា មូលដ្ឋានក្នុងការចូលរួមលុបបំបាត់ អំពើហិង្សាលើផ្លូវភេទចំពោះស្ត្រី នៅក្នុងសង្គមទាំងមូល និងអាចធ្វើអោយស្ថាប័នអន្តរជាតិ គិតគូរ និងតាក់តែង នូវវិធានទាំងឡាយ ដើម្បីការពារបញ្ចៀសនូវអំពើហិង្សាទាំងនោះ ។
ខ្ញុំសង្ឃឹមថា នឹងមានសន្និសីទពាក់ព័ន្ធបញ្ហាអន្តរជាតិក្នុងរបបប្រល័យពូជសាសន៍ ផ្សេងៗទៀតនៅថ្ងៃអនាគត ។
ជាទីបញ្ចប់ខ្ញុំសូមប្រសិទ្ធិពរជ័យជូនចំពោះអស់លោក លោកស្រី ភ្ញៀវជាតិ និងអន្តរជាតិ ដែលបានចូលរួមក្នុងសន្នីសិទនេះជួបប្រទះតែពុទ្ធពរទាំងបួនប្រការគឺអាយុ វណ្ណៈ សុខៈ និង ពលៈកុំបីឃ្លៀងឃ្លាតឡើយ ។
ខ្ញុំសូមប្រកាសបិទសន្និសីទអន្តរជាតិ ស្តីពី អំពើហិង្សាផ្លូវភេទ ចាប់ពីពេលនេះតទៅ ។ |
| បានបន្ទាន់សម័យចុងក្រោយបំផុតនៅ ថ្ងៃសុក្រ ទី05 ខែវិច្ឆិកា ឆ្នាំ2010 ម៉ោង 08:32 |
គេហទំព័រផ្សេងៗ
ឯកសារផ្សេងៗ
សូមផ្តល់យោបល់ ឬ សំណូមពរ
ការជ្រើសរើសឱ្យចូលរៀនវិជ្ជាជីវៈមេធាវី
ការជ្រើសរើសឱ្យចូលរៀនវិជ្ជាជីវៈមេធាវីជំនាន់ទី ១២ ឆ្នាំសិក្សា ២០១១-២០១៣វាយតម្លៃការដឹកនាំរបស់ប្រធានគណៈមេធាវី
តើការដឹកនាំរបស់ខ្ញុំអាណត្តិនេះដូចម្តេចដែរ? សូមចុចទីនេះដើម្បីវាយតម្លៃ!
អត្ថន័យសំគាល់ត្រាគណៈមេធាវី និងសំគាល់ត្រាមេធាវី
បញ្ជីសមាជិកគណៈមេថាវី
ស្វែងរកមេធាវី
ដើម្បីស្វែងរកមេធាវី សូមចូលទៅកាន់ទំព័រ សមាជិកគណៈមេធាវី តាមរយៈម៉ឺនុយខាងលើ ហើយចុចលើ មេធាវី
វចនានុក្រមច្បាប់
ស្ថិតិអ្នកទស្សនា
 | ថ្ងៃនេះ | 59 |
 | ម្សិលមិញ | 491 |
 | សប្តាហ៍នេះ | 1379 |
 | សប្តាហ៍មុន | 3051 |
 | ខែនេះ | 10068 |
 | ខែមុន | 10753 |
 | សរុប | 255799 |
IP របស់អ្នក 38.107.179.208
,
កាលបរិច្ឆេទ ៖ 23 ឧសភា, 2012