មាតិកា
លិខិតបទដ្ឋានគតិយុត្តនានា
ស្តាប់ចម្រៀងគណៈមេធាវី (និពន្ធដោយ ឯកឧត្តម ជីវ សុងហាក់)
ទំនាក់ទំនង
អាសយដ្ឋាន ៖ អគារលេខ ១០-១១E0E1E2 ផ្លូវលេខ ១៨០ សង្កាត់បឹងរាំង ខណ្ឌដូនពេញ រាជធានីភ្នំពេញ។
ប្រអប់សំបុត្រលេខ ៖ ១៥៨៧
ទូរស័ព្ទលេខ ៖ (855) 23 220 237
ទូរសារលេខ ៖ (855) 23 213 658
អ៊ីម៉ែល ៖ info@bakc.org.kh
| សុន្ទរកថា ឯកឧត្តមជីវ សុងហាក់ ថ្លែងក្នុងឱកាសបើកមហាសន្និបាតប្រចាំឆ្នាំលើកទី ១៥ របស់គណៈមេធាវី និងបោះឆ្នោតជ្រើសរើសប្រធានគណៈមេធាវីអាណត្តិទី៨ នាថ្ងៃទី១៦ ខែតុលា ឆ្នាំ២០១០ នៅសណ្ឋាគារកាំបូឌីយ៉ាណា |
 |
 |
 |
| ថ្ងៃព្រហស្បតិ៍ ទី04 ខែវិច្ឆិកា ឆ្នាំ2010 ម៉ោង 11:16 |
|
សុន្ទរកថា ឯកឧត្តមជីវសុងហាក់ ប្រធានគណៈមេធាវី នៃព្រះរាជាណាចក្រកម្ពុជា ថ្លែងក្នុងឱកាសបើកមហាសន្និបាតប្រចាំឆ្នាំលើកទី ១៥របស់គណៈមេធាវី និងបោះឆ្នោតជ្រើសរើសប្រធានគណៈមេធាវីអាណត្តិទី៨ នាថ្ងៃទី១៦ ខែតុលាឆ្នាំ២០១០ សណ្ឋាគារកាំបូឌីយ៉ាណា សូមគោរព :
ថ្ងៃនេះខ្ញុំមានកិត្តិយសនិងសេចក្តីសោមនស្សរីករាយ ជាអនេកកប្បការដែលបានចូលរួមជាអធិបតីក្នុងមហាសន្និបាតលើកទី១៥របស់គណៈមេធាវីនៃព្រះរាជាណាចក្រកម្ពុជានិងការបោះឆ្នោតជ្រើសតាំងប្រធានគណៈមេធាវីអាណត្តិទី ៨ ដែលរៀបចំឡើងស្របតាមច្បាប់ស្តីពីលក្ខន្តិកៈមេធាវី។ មហាសន្និបាតថ្ងៃនេះប្រព្រឹត្តឡើងក្រោមពាក្យស្លោក "រួមគ្នាលើកកម្ពស់តម្លៃវិជ្ជាជីវៈមេធាវី តាមរយៈ ការពង្រឹងសមត្ថភាពក្រមសីលធម៌វិជ្ជាជីវៈ ឯករាជ្យភាព ការគោរពច្បាប់ និងប្រឆាំងអំពើពុករលួយ" ហើយជាឱកាសដ៏វិសេសវិសាលបំផុត ដែលសមាជិក-សមាជិកាគណៈមេធាវីទាំងអស់បានមកជួបជុំគ្នានៅទីនេះ ដើម្បីចូលរួមបំពេញកាតព្វកិច្ចជាមេធាវីស្របតាមច្បាប់ផង និងដើម្បីចូលរួមអបអរសាទរ នាឱកាសមហាសន្និបាតលើកទី១៥ហើយជាថ្ងៃដែលសហភាតាប្រើប្រាស់សិទ្ធិចូលរួមបោះឆ្នោតជ្រើសតាំងប្រធានគណៈមេធាវីអាណត្តិទី៨តាមគោលការណ៍ប្រជាធិបតេយ្យ ដើម្បីដឹកនាំគណៈមេធាវីឆ្ពោះទៅរកការរីកចំរើន។ ឯកឧត្តមលោកជំទាវ និងសហភាតាទាំងអស់ជាទីមេត្រី ! រដ្ឋធម្មនុញ្ញនៃព្រះរាជាណាចក្រកម្ពុជានិង គោលការណ៍ជាមូលដ្ឋានស្តីពីតួនាទីរបស់មេធាវីដែលបានអនុម័តដោយសមាជអង្គការសហប្រជាជាតិលើកទី៨ នៅទីក្រុងឡាហាវាន ប្រទេសគុយបាចាប់ពីថ្ងៃទី ២៧ ខែ សីហា ដល់ថ្ងៃទី ០៧ ខែ កញ្ញា ឆ្នាំ ១៩៩០ហើយត្រូវបានតម្កល់ដោយសេចក្តីសម្រេចលេខ ៤៨/១៣៧ ចុះថ្ងៃទី ២០ ខែ ធ្នូ ឆ្នាំ១៩៩៣ របស់មហាសន្និបាតអង្គការសហប្រជាជាតិបន្ទាប់មកគណៈមេធាវីនៃព្រះរាជាណាចក្រកម្ពុជាត្រូវបានបង្កើតឡើងនៅថ្ងៃទី ២២ ខែសីហា ឆ្នាំ ១៩៩៥ តាមច្បាប់ស្តីពីលក្ខន្តិកៈមេធាវី ។គណៈមេធាវីនៃព្រះរាជាណាចក្រកម្ពុជាគឺជាអង្គការប្រមូលផ្តុំមេធាវីទាំងអស់ដែលតាំងការិយាល័យនៅក្នុងព្រះរាជាណាចក្រកម្ពុជាហើយវិជ្ជាជីវៈមេធាវី ជាវិជ្ជាជីវៈឯករាជ្យ សេរី ចូលរួមបម្រើវិស័យយុត្តិធម៌ការពារសិទ្ធិមនុស្ស លើកស្ទួយលទ្ធិប្រជាធិបតេយ្យ និងចូលរួមពង្រឹងនីតិរដ្ឋ។ដោយសារតួនាទីខាងលើនេះ បានធ្វើអោយមេធាវីក្លាយជាតួអង្គមួយយ៉ាងសំខាន់ឈានមុខក្នុងការជម្រុញអោយមានយុត្តិធម៌ ទាំងនៅក្នុងនីតិវិធីតុលាការក៏ដូចជានៅក្នុងសង្គមជាតិទាំងមូល ធ្វើអោយសាធារណជនយល់ច្បាស់អំពីសិទ្ធិការពារខ្លួនតាមផ្លូវច្បាប់ និងសិទ្ធិពឹងពាក់មេធាវីទាំងនៅក្នុងរឿងក្តីព្រហ្មទណ្ឌ រដ្ឋប្បវេណី រឿងក្តីដទៃទៀតនិងការផ្តល់យោបល់ផ្នែកច្បាប់ផ្សេងៗទៀត ។ ដោយសារវត្តមាននិងការចូលរួមរបស់មេធាវីក្នុងសង្គម ធ្វើអោយសិទ្ធិ សេរីភាព និងយុត្តិធម៌របស់ប្រជាពលរដ្ឋ ត្រូវបានធានា ការពារ គោរព ប្រសើរឡើងពីមួយថ្ងៃទៅមួយថ្ងៃ ។ ផ្អែកលើតួនាទីជាមូលដ្ឋាននេះគណៈមេធាវីមានកាតព្វកិច្ចរៀបចំវិធានគ្រប់គ្រង វិជ្ជាជីវៈបង្កើតអោយមានក្រមសីលធម៌ បទបញ្ជាផ្ទៃក្នុង ដើម្បីគ្រប់គ្រង ការពារ សមាជិកសមាជិកា គណៈមេធាវីទាំងមូល ឲ្យអនុវត្តនូវវិជ្ជាជីវៈរបស់ខ្លួនប្រកបដោយកិតិ្តយស សេចក្តីថ្លៃថ្នូរនិងជាភ្នាក់ងារដ៏សំខាន់នៃរដ្ឋបាលយុត្តិធម៌នៅគ្រប់ពេលវេលាទាំងអស់ដើម្បីជួយដល់ជនទន់ខ្សោយងាយរងគ្រោះ និង ជនក្រីក្រ ។ អង្គមហាសន្និបាតជាទីគោរព ! ចាប់ពេលដែលគណៈមេធាវីនៃព្រះរាជាណាចក្រកម្ពុជាចាប់បដិសន្ធិមកទល់នឹងពេលនេះ មានអាយុកាល ១៥ ឆ្នាំហើយ ក្នុងរយៈពេលនេះគណៈមេធាវីបានដំណើរការបោះឆ្នោតជ្រើសតាំងប្រធានគណៈមេធាវី បានចំនួន ៧ដងរូចហើយហើយនៅពេលបន្តិចទៀតនេះយើងនឹងមានការបោះឆ្នោតតាំងប្រធានគណៈមេធាវីសម្រាប់អាណត្តិទី៨(២០១០-២០១២)។ឆ្លងកាត់តំណាក់កាលដឹកនាំគណៈមេធាវីពីអាណត្តិមួយ ទៅអាណត្តិមួយស្ថាប័នគណៈមេធាវីបានបោះជំហានលើផ្លូវរីកចម្រើន ពីមួយជំហាន ទៅមួយជំហានស្របតាមកាលៈទេសៈនៃការអភិវឌ្ឍន៍របស់ប្រទេសជាតិ។ដោយឡែកកំណែទម្រង់រចនាសម្ព័ន្ធដឹកនាំគណៈមេធាវី ត្រូវបានកែលម្អ ជាបន្តបន្ទាប់ជាក់ស្តែងគិតមកទល់ចុងអាណត្តិទី៧ ស្ថាប័នគណៈមេធាវី នៃព្រះរាជាណាចក្រកម្ពុជាមានការវិវឌ្ឍន៍គួរឲ្យកត់សំគាល់គឺ៖ ១-ការពង្រឹងរចនាសម្ព័ន្ធដឹកនាំគណៈមេធាវីតាមរយៈការកែសម្រួលរចនាសម្ព័ន្ធរដ្ឋបាលឱ្យស្របតាមទំហំនៃការរីកចំរើននិងការវិវត្តនៃវិស័យច្បាប់ នយោបាយ សេដ្ឋកិច្ចនិងបច្ចេកវិទ្យាក្នុងទិសដៅធ្វើឱ្យមានតម្លាភាពនិងបង្កើនជំនឿចិត្តក្នុងការដឹកនាំដែលក្នុងនោះបានបង្កើតបន្ថែមឱ្យមាននាយកដ្ឋានបោះពុម្ព និងផ្សព្វផ្សាយផ្នែកគ្រប់គ្រងប្រព័ន្ធព័ត៌មានវិទ្យា និងគណៈកម្មការជំនាញចំនួន បី គឺគណៈកម្មការកិច្ចការរដ្ឋប្បវេណី គណៈកម្មការកិច្ចការព្រហ្មទណ្ឌនិងគណៈកម្មការកិច្ចការពាណិជ្ជកម្ម ជាពិសេសបានធ្វើការកែសម្រួលរបៀបរបបការងារមួយចំនួន ឱ្យកាន់តែមានភាពរលូនរហ័សមានប្រសិទ្ធភាពខ្ពស់និងបានជួសជុលកែលម្អអាគាររដ្ឋបាលរបស់គណៈមេធាវីតាមផ្នែកនីមួយៗឱ្យមានលក្ខណៈល្អប្រសើរ សក្តិសមជាអាគាររដ្ឋបាលរបស់ស្ថាប័នមេធាវីដែលក្នុងនោះយើងបានបំពាក់សម្ភារៈប្រើប្រាស់គ្រប់គ្រាន់រៀបចំឯកសណ្ឋានសមរម្យដល់បុគ្គលិក ពង្រឹងសមត្ថភាពបុគ្គលិកនិងប្រើប្រាស់បុគ្គលិកទាំងអស់ទៅតាមជំនាញរបស់គេពិតប្រាកដព្រមទាំងបានកំណត់យ៉ាងច្បាស់ អំពីតួនាទីភារកិច្ច នៃផ្នែកជំនាញនីមួយ។ ២-ធ្វើទំនើបកម្មនៃការទំនាក់ទំនងរវាងគណៈមេធាវីជាមួយសហភាតាគណៈមេធាវីដោយបានប្រើប្រាស់គ្រប់មធ្យោបាយនិងពង្រីកការប្រើ គេហទំព័រលើផ្នែកជាច្រើនដើម្បីឱ្យសមាជិក-សមាជិកាគណៈមេធាវីទាំងអស់ ទទួលបានភាពងាយស្រួលក្នុងការផ្តល់ព័ត៌មានពីសមាជិកមកគណៈមេធាវី និងពីគណៈមេធាវីទៅសមាជិក។មិនតែប៉ុណ្ណោះ គេហទំព័រនេះបានសម្រួលដល់សហភាតាក្នុងការស្វែងរកលិខិតបទដ្ឋានគតិយុត្តនានានៃព្រះរាជាណាចក្រកម្ពុជាស្វែងរកឈ្មោះមេធាវី ការិយាល័យមេធាវីស្វែងរកឈ្មោះចៅក្រមនិងព្រះរាជអាជ្ញាទូទាំងប្រទេស។ម្យ៉ាងទៀតការបង្កើតគេហទំព័រនេះបានកាត់បន្ថយការចំណាយជាច្រើនក្នុងការបញ្ជូនសំបុត្រទៅសហភាតា ស្ថាប័នដទៃទៀតនិងជួយពង្រីកទីផ្សារសេវាកម្មច្បាប់ដល់មេធាវី។ ៣-បង្កើតគេហទំព័រថ្មីប្រមូលចងក្រងលិខិតបទដ្ឋានគតិយុត្តពីឆ្នាំ១៩៩៣ដល់បច្ចុប្បន្ន បញ្ចូលជាទិន្នន័យ ប្រមូលចងក្រងបញ្ជីលិខិតបទដ្ឋានគតិយុត្តមួយចំនួននៅកម្ពុជាព្រមទាំងបោះពុម្ពផ្សាយព្រឹត្តិបត្រមេធាវីដើម្បីចែកជូនដល់សហភាតាដោយមិនគិតថ្លៃ។ ៤-ប្រធាននិងសមាជិកក្រុមប្រឹក្សាគណៈមេធាវីបានអនុវត្តយ៉ាងខ្ជាប់ខ្ជួននូវតួនាទីក្នុងការពង្រឹងស្ថាប័នគណៈមេធាវីការពារវិជ្ជាជីវៈមេធាវី មិនឲ្យមានការរំលោភបំពានពីស្ថាប័នដ៏ទៃទៀតការពារសមាជិក-សមាជិកាទាំងមូល មិនឲ្យមានការចាប់ខ្លួន ឃុំខ្លួនមេធាវីដោយគ្រាន់តែបញ្ចេញមតិក្នុងការការពារអតិថិជននិងការពារយុត្តិធម៌សង្គមទៅតាមច្បាប់។ នៅក្នុងអាណត្តិទី ៧ នេះគ្មានសមាជិក-សមាជិកាគណៈមេធាវីណាម្នាក់ទទួលទណ្ឌកម្មជាបទវិន័យពីក្រុមប្រឹក្សាគណៈមេធាវីឡើយ។ ៥-គណៈមេធាវីបានធ្វើជាដៃគូជាមួយរាជរដ្ឋាភិបាលកម្ពុជាក្នុងកំណែទម្រង់ប្រព័ន្ធយុត្តិធម៌ និងតុលាការ តាមរយៈការចូលរូមប្រជុំការផ្តល់មេធាវីការពារក្តីជូនជនក្រីក្រ និងការផ្តល់យោបល់ពីការអនុវត្តច្បាប់នៃព្រះរាជាណាចក្រកម្ពុជា របស់ស្ថាប័នគណៈមេធាវីនិងស្ថាប័នពាក់ព័ន្ឌផ្សេងៗទៀត។ម្យ៉ាងទៀតគណៈមេធាវីបានសំណូមពរទៅរដ្ឋាភិបាលឲ្យបញ្ចូលតួនាទីរបស់មេធាវីទៅក្នុងពង្រាងច្បាប់ផ្សេងៗនិង សុំបញ្ចូលថវិការសំរាប់ការពារក្តីជូនជនក្រីក្រទៅក្នុងគម្រោងថវិការជាតិប្រចាំឆ្នាំនីមួយ។ឆ្លើយតបនឹងការចូលរួមរបស់គណៈមេធាវី រាជរដ្ឋាភិបាលបានប្រគល់ដីទំហំ ២៥០០ម៉ែតការ៉េដែលយើងបានធ្វើប័ណ្ណសម្គាល់សិទ្ធិកាន់កាប់ម្ចាស់អចនវត្ថុដាក់ឈ្មោះគណៈមេធាវីរួចហើយនិងបានកំពុងធ្វើការសាងសង់អគាររដ្ឋបាលគណៈមេធាវីថ្មី នៅលើទីតាំងដីខាងលើនិងគ្រោងបញ្ជប់ការសាងសង់នៅបំដាច់ឆ្នាំ ២០១។ ៦-មូលនិធិសុវត្ថិភាពគណៈមេធាវីត្រូវបានបង្កើតតាមគំនិតផ្តួចផ្តើមរបស់ប្រធានគណៈមេធាវីអាណត្តិទី៧ ស្របតាមសំណូមពររបស់សមាជិក-សមាជិកាគណៈមេធាវីទាំងមូលហើយមូលនិធិនេះត្រូវបានក្រុមប្រឹក្សាគណៈមេធាវីអនុម័តនិងកំពុងរៀបចំគោលនយោបាយសម្រាប់អនុវត្ត ឲ្យបានសមស្របនិងស្មើភាពគ្នាចំពោះសមាជិក-សមាជិកានីមួយៗ ៧-គណៈមេធាវីនៃព្រះរាជាណាចក្រកម្ពុជាបានធ្វើទំនាក់ទំនងជាមួយស្ថាប័នអន្តរជាតិនានា ដើម្បីទទួលបាននូវការគាំទ្រផ្នែកហិរញ្ញវត្ថុ បច្ចេកទេស ការបណ្តុះបណ្តាល និងការផ្តល់បទពិសោធន៍ពីគ្នាទៅវិញទៅមកដើម្បីជ្រើសរើសយកបទពិសោធន៍ល្អៗយកមកធ្វើជាគំរូក្នុងការពិចារណាសម្រាប់កំណែទម្រង់ការដឹកនាំគណៈមេធាវីនិងការបញ្ចូនសមាជិក-សមាជិកាគណៈមេធាវីទៅធ្វើកម្មសិក្សានៅបណ្តាគណៈមេធាវីនៃប្រទេសផ្សេងៗជាមិត្ត។អង្គការ និងស្ថាប័ននានា ដែលបានកំពុងជួយគណៈមេធាវី មានដូចជាទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA) សហព័ន្ធគណៈមេធាវីជប៉ុន អង្គការយូនីសេសទីភ្នាក់ងារសហរដ្ឋអាមេរិកដើម្បីការអភិវឌ្ឍអន្តរជាតិ(USAID) សហគមន៍អឺរ៉ុបឧត្តមស្នងអង្គការសហប្រជាជាតិទទួលបន្ទុកសិទ្ធមនុស្សប្រចាំកម្ពុជាអង្គការស្ពានយុត្តិធម៌ អង្គការការពារយុត្តិធម៌កុមារ(PJJ) អង្គការសិទ្ធិមនុស្សអាស៊ី មជ្ឈមណ្ឌលដើម្បីយុត្តិធម៌ និងការបង្រួបបង្រួមនិងអង្គការមេធាវីគ្មានព្រំដែន។ ទាំងនេះបង្ហាញឱ្យឃើញថាគណៈមេធាវីនៃព្រះរាជាណាចក្រកម្ពុជាមានដៃគូដ៏ល្អជាមួយស្ថាប័នជាតិនិងអន្តរជាតិជាតិនានាក្នុងការជួយជ្រោមជ្រែងដើម្បីឱ្យដំណើរការរបស់ខ្លួនកាន់តែមានប្រសិទ្ធភាពល្អប្រសើរ។ ទោះបីជាយើងខិតខំប្រឹងប្រែងយ៉ាងណាក៏ដោយក៏នៅតែមានកង្វះខាត់ខ្លះៗជាក់ជាមិនខាន ហើយខ្ញុំសូមឲ្យសមាជិក-សមាជិកាគណៈមេធាវីទាំងអស់ចូលរួមទិចទៀនផ្តល់យោបល់ ដើម្បីកែលម្អសម្រាប់ការដឹកនាំអាណត្តិក្រោយទៀតឲ្យបានល្អប្រសើរ។ អង្គមហាសន្និបាតទាំងមូលជាទីគោរព !
ជាថ្មីម្តងទៀតខ្ញុំសូមថ្លែងអំណរគុណ ចំពោះសមាជិក-សមាជិកា គណៈមេធាវី ថ្នាក់ និងក្នុងឱកាសបោះឆ្នោតតាំងប្រធានគណៈមេធាវីអាណត្តិទី៨ នេះខ្ញុំសូមអំពាវនាវ ដល់សមាជិក-សមាជិកាគណៈមេធាវីទាំងអស់គោរពបទបញ្ជាផ្ទៃក្នុង សេចក្តីសម្រេចរបស់ក្រុមប្រឹក្សាគណៈមេធាវីពាក់ព័ន្ធនឹងការបោះឆ្នោត ហើយខ្ញុំជឿថា សហភាតានឹងប្រើប្រាស់សិទ្ធិដ៏សមស្របជ្រើសរើសបានតំណាងរបស់ខ្លួន ដែលជាបុគ្គលប្រកបដោយប្រជាប្រិយភាព ស្មោះត្រង់ស្រឡាញ់វិជ្ជាជីវៈ លះបង់ពេលវេលា ទ្រព្យសម្បត្តិ ដើម្បីចូលរួមបង្កើនកិត្តិយសជូនស្ថាប័នគណៈមេធាវី ព្រមទាំងគោរពសីលធម៌វិជ្ជាជីវៈ គោរពការសន្យាគោរពច្បាប់ និងការពារយុត្តិធម៌ជូនសហភាតា ក្នុងការប្រកបមុខវិជ្ជាជីវៈមេធាវី ។ ជាទីបញ្ចប់ខ្ញុំសូមប្រសិទ្ធពរជ័យមហាប្រសើរជូនចំពោះឯកឧត្តម លោកជំទាវ លោក លោកស្រីសមាជិក-សមាជិកាគណៈមេធាវី បុគ្គលិករដ្ឋបាលគណៈមេធាវីទាំងអស់ទទួលបានជ័យជំនះនៅក្នុងវិជ្ជាជីវៈនិងទទួលបាននូវពុទ្ធពរទាំងប្រាំប្រការគឺអាយុ វណ្ណៈ សុខៈ ពលៈនិងបដិភាណៈកុំបីឃ្លៀងឃ្លាតឡើយ។ ខ្ញុំសូមប្រកាសបើកមហាសន្និបាតលើកទី ១៥ ចាប់ពីពេលនេះតទៅ។ សូមអរគុណ! |
| បានបន្ទាន់សម័យចុងក្រោយបំផុតនៅ ថ្ងៃព្រហស្បតិ៍ ទី04 ខែវិច្ឆិកា ឆ្នាំ2010 ម៉ោង 11:38 |
គេហទំព័រផ្សេងៗ
ឯកសារផ្សេងៗ
សូមផ្តល់យោបល់ ឬ សំណូមពរ
ការជ្រើសរើសឱ្យចូលរៀនវិជ្ជាជីវៈមេធាវី
ការជ្រើសរើសឱ្យចូលរៀនវិជ្ជាជីវៈមេធាវីជំនាន់ទី ១២ ឆ្នាំសិក្សា ២០១១-២០១៣វាយតម្លៃការដឹកនាំរបស់ប្រធានគណៈមេធាវី
តើការដឹកនាំរបស់ខ្ញុំអាណត្តិនេះដូចម្តេចដែរ? សូមចុចទីនេះដើម្បីវាយតម្លៃ!
អត្ថន័យសំគាល់ត្រាគណៈមេធាវី និងសំគាល់ត្រាមេធាវី
បញ្ជីសមាជិកគណៈមេថាវី
ស្វែងរកមេធាវី
ដើម្បីស្វែងរកមេធាវី សូមចូលទៅកាន់ទំព័រ សមាជិកគណៈមេធាវី តាមរយៈម៉ឺនុយខាងលើ ហើយចុចលើ មេធាវី
វចនានុក្រមច្បាប់
ស្ថិតិអ្នកទស្សនា
 | ថ្ងៃនេះ | 59 |
 | ម្សិលមិញ | 491 |
 | សប្តាហ៍នេះ | 1379 |
 | សប្តាហ៍មុន | 3051 |
 | ខែនេះ | 10068 |
 | ខែមុន | 10753 |
 | សរុប | 255799 |
IP របស់អ្នក 38.107.179.207
,
កាលបរិច្ឆេទ ៖ 23 ឧសភា, 2012