មាតិកា
លិខិតបទដ្ឋានគតិយុត្តនានា
ស្តាប់ចម្រៀងគណៈមេធាវី (និពន្ធដោយ ឯកឧត្តម ជីវ សុងហាក់)
ទំនាក់ទំនង
អាសយដ្ឋាន ៖ អគារលេខ ១០-១១E0E1E2 ផ្លូវលេខ ១៨០ សង្កាត់បឹងរាំង ខណ្ឌដូនពេញ រាជធានីភ្នំពេញ។
ប្រអប់សំបុត្រលេខ ៖ ១៥៨៧
ទូរស័ព្ទលេខ ៖ (855) 23 220 237
ទូរសារលេខ ៖ (855) 23 213 658
អ៊ីម៉ែល ៖ info@bakc.org.kh
| សុន្ទរកថា ឯកឧត្តម ជីវ សុងហាក់ ប្រធានគណៈមេធាវី នៃព្រះរាជាណាចក្រកម្ពុជា ក្នុងពិធីបើកសិក្ខាសាលាស្តីពី ក្រមរដ្ឋប្បវេណី នៅមជ្ឈមណ្ឌលសហប្រតិបត្តិការកម្ពុជា-ជប៉ុន |
 |
 |
 |
| ថ្ងៃច័ន្ទ ទី24 ខែឧសភា ឆ្នាំ2010 ម៉ោង 14:03 |
|
នាថ្ងៃទី ០៤-០៧ ខែ ឧសភា ឆ្នាំ ២០១០
ថ្ងៃនេះ ខ្ញុំមានកិត្តិយស និងសេចក្តីសោមនស្សរីករាយជាអនេកប្បការដែលបានចូលរួមជាអធិបតី ក្នុងពិធីបើកអង្គសិក្ខាសាលាស្តីពី «ក្រមរដ្ឋប្បវេណី» ដែលរៀបចំឡើងដោយគណៈមេធាវីនៃព្រះរាជាណាចក្រកម្ពុជា ក្រោមកិច្ចសហប្រតិបត្តិការ និងជំនួយឧបត្តម្ភរបស់អង្គការ JICA ។ តាងនាមគណៈមេធាវីនៃព្រះរាជាណាចក្រកម្ពុជា និងក្នុងនាមខ្ញុំផ្ទាល់ សូមស្វាគមន៍យ៉ាងកក់ក្តៅចំពោះលោក លោកស្រី ជាវាគ្មិន លោក លោកស្រី អ្នកនាង កញ្ញា សមាជិក សមាជិកា គណៈមេធាវីនៃព្រះរាជាណាចក្រកម្ពុជា ដែលបានចូលរួមក្នុងសិក្ខាសាលានាពេលនេះ ។ ក្រោមកិច្ចសហប្រតិបត្តិការ និងជំនួយឧបត្ថម្ភពីអង្គការ JICA និងសហព័ន្ធគណៈមេធាវីនៃប្រទេសជប៉ុន គណៈមេធាវីនៃព្រះរាជាណាចក្រកម្ពុជា បានរៀបចំសិក្ខាសាលាចំនួន ៦ដងរួចមកហើយ ចាប់តាំងពីឆ្នាំ ២០០៧ រហូតមកឆ្នាំ ២០១០ នេះ ។ សិក្ខាសាលាស្តីពី«ក្រមរដ្ឋប្បវេណី» នេះគឺជាសិក្ខាសាលាលើកទី៧ ស្របទៅនឹងផែនការយុទ្ធសាស្រ្តរបស់គណៈមេធាវីនៃព្រះរាជាណាចក្រ កម្ពុជា អាណត្តិទី៧ ក្នុងការពង្រឹង និងបង្កើនសមត្ថភាពដល់សមាជិក សមាជិកាមេធាវី តាមរយៈការអប់រំបន្ត ។ ទោះបីជាក្រមនេះមិនទាន់បានអនុវត្តក៏ដោយ ក៏ប៉ុន្តែវាជាច្បាប់សារធាតុមួយ និងជាមូលដ្ឋានគ្រឹះសម្រាប់មេធាវីគ្រប់រូប ធ្វើការពិចារណាក្នុងការការពារក្តីរឿងរដ្ឋប្បវេណី ក្រៅពីនេះ គណៈមេធាវីក៏បានធ្វើសិក្ខាសាលារយៈពេលខ្លី ស្តីពីក្រមនីតិវិធីរដ្ឋប្បវេណីផងដែរ។ ខ្ញុំសង្ឃឹមថា លោក លោកស្រី នឹងទទួលបាននូវចំណេះដឹង និងបទពិសោធន៍ថ្មីៗថែមទៀតពីសិក្ខាសាលានេះ សម្រាប់ប្រើប្រាស់ផ្ទាល់ខ្លួន និងជួយដល់ប្រព័ន្ធយុត្តិធម៌នៅកម្ពុជា ឲ្យកាន់តែប្រសើរឡើងថែមទៀត ។ ម៉្យាងទៀតយើងជាមេធាវីត្រូវមានចំណេះដឹងគ្រប់គ្រាន់ មានសីលធម៌ល្អ គោរពច្បាប់ ស្មោះត្រង់ជាមួយនឹងអតិថិជនរបស់ខ្លួន និងចេះជួយអប់រំដល់អ្នកទន់ខ្សោយ ដើម្បីអោយពួកគេបានយល់ពីសិទ្ធិ កាតព្វកិច្ច និងការគោរពច្បាប់ ។ ខ្ញុំសូមអោយអស់លោក លោកស្រី និងអង្គសិក្ខាសាលាទាំងមូល យកចិត្តទុកដាក់ ត្រង់ត្រាប់ ស្តាប់នូវការឧទេ្ទសនាម ពន្យល់របស់វាគ្មិន និងពិភាក្សាសួរដេញដោលអោយបានផុសផុលដើម្បីអោយសិក្ខាសាលានេះ ជាសិក្ខាសាលាមួយដ៏មានសារៈប្រយោជន៍បំផុតចំពោះអស់លោក លោកស្រី ។ មុននឹងបញ្ចប់ ខ្ញុំសូមថ្លែងអំណរគុណដល់អង្គការ JICA ដែលបានជួយផ្តល់ថវិកា ដល់គណៈមេធាវីនៃព្រះរាជាណាចក្រកម្ពុជា ដើម្បីរៀបចំសិក្ខាសាលានេះឡើង ។ ហើយខ្ញុំសង្ឃឹមថា អង្គការ JICA ក៏ដូចជាសហព័ន្ធគណៈមេធាវីប្រទេសជប៉ុន នឹងបន្តជួយដល់គណៈមេធាវីនៃព្រះរាជាណាចក្រកម្ពុជានៅថ្ងៃអនាគត ទៀតជាក់ជាមិនខាន។ ជាទីបញ្ចប់ ខ្ញុំសូមជូនពរដល់អស់លោក លោកស្រី អ្នកនាងកញ្ញា ភ្ញៀវជាតិ និងអន្តរជាតិ ដែលបានចូលរួមក្នុងអង្គសិក្ខាសាលានាពេលនេះ សូមប្រកបតែសេចក្តីសុខ សេចក្តីចម្រើន នឹងទទួលបាននូវពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។ សូមជូនពរអោយការស្នាក់នៅរបស់អស់លោក លោកស្រី វាគ្មិនទាំងអស់ ក្នុងប្រទេសកម្ពុជាប្រកបទៅដោយសេចក្តីសុខ និងសុខភាពល្អ ។ សូមប្រកាសបើកសិក្ខាសាលាស្តីពី «ក្រមរដ្ឋប្បវេណី» ចាប់ពីពេលនេះតទៅ ។ សូមអរគុណ! |
គេហទំព័រផ្សេងៗ
ឯកសារផ្សេងៗ
សូមផ្តល់យោបល់ ឬ សំណូមពរ
ការជ្រើសរើសឱ្យចូលរៀនវិជ្ជាជីវៈមេធាវី
ការជ្រើសរើសឱ្យចូលរៀនវិជ្ជាជីវៈមេធាវីជំនាន់ទី ១២ ឆ្នាំសិក្សា ២០១១-២០១៣វាយតម្លៃការដឹកនាំរបស់ប្រធានគណៈមេធាវី
តើការដឹកនាំរបស់ខ្ញុំអាណត្តិនេះដូចម្តេចដែរ? សូមចុចទីនេះដើម្បីវាយតម្លៃ!
អត្ថន័យសំគាល់ត្រាគណៈមេធាវី និងសំគាល់ត្រាមេធាវី
បញ្ជីសមាជិកគណៈមេថាវី
ស្វែងរកមេធាវី
ដើម្បីស្វែងរកមេធាវី សូមចូលទៅកាន់ទំព័រ សមាជិកគណៈមេធាវី តាមរយៈម៉ឺនុយខាងលើ ហើយចុចលើ មេធាវី
វចនានុក្រមច្បាប់
ស្ថិតិអ្នកទស្សនា
 | ថ្ងៃនេះ | 134 |
 | ម្សិលមិញ | 320 |
 | សប្តាហ៍នេះ | 810 |
 | សប្តាហ៍មុន | 2167 |
 | ខែនេះ | 4460 |
 | ខែមុន | 9697 |
 | សរុប | 216960 |
IP របស់អ្នក 38.107.179.209
,
កាលបរិច្ឆេទ ៖ 15 កុម្ភៈ, 2012