មាតិកា
លិខិតបទដ្ឋានគតិយុត្តនានា
ស្តាប់ចម្រៀងគណៈមេធាវី (និពន្ធដោយ ឯកឧត្តម ជីវ សុងហាក់)
ទំនាក់ទំនង
អាសយដ្ឋាន ៖ អគារលេខ ១០-១១E0E1E2 ផ្លូវលេខ ១៨០ សង្កាត់បឹងរាំង ខណ្ឌដូនពេញ រាជធានីភ្នំពេញ។
ប្រអប់សំបុត្រលេខ ៖ ១៥៨៧
ទូរស័ព្ទលេខ ៖ (855) 23 220 237
ទូរសារលេខ ៖ (855) 23 213 658
អ៊ីម៉ែល ៖ info@bakc.org.kh
| សុន្ទរកថា ឯកឧត្តម ជីវ សុងហាក់ ប្រធានគណៈមេធាវី នៃព្រះរាជាណាចក្រកម្ពុជាក្នុងពិធីអបអរទិវាអន្តរជាតិនារី ៨ មីនា ខួបលើកទី ៩៩ |
 |
 |
 |
| ថ្ងៃច័ន្ទ ទី24 ខែឧសភា ឆ្នាំ2010 ម៉ោង 13:42 |
|
(មណ្ឌលសន្និបាត និងពិពណ៌កោះពេជ្រ-រាជធានីភ្នំពេញ ថ្ងៃទី ០៥ ខែ មីនា ឆ្នាំ ២០១០)
ថ្ងៃនេះជាទិវា ! ដ៏មានសារៈសំខាន់សម្រាប់គណៈមេធាវីនៃព្រះរាជាណាចក្រកម្ពុជា និង សម្រាប់រូបខ្ញុំផ្ទាល់ ដែលបានរៀបចំពិធីអបអរសាទរទិវាអន្តរជាតិនារី ៨ មិនា ខួបលើកទី៩៩ ក្រោមអធិបតីភាពដ៏ខ្ពង់ខ្ពស់របស់លោកជំទាវ រដ្ឋមន្រ្តីក្រសួងកិច្ចការនារី ក្រោមប្រធានបទ ៖«រួមគ្នាបង្កើនសក្តានុពលរបស់ស្ត្រីនិងយុវវ័យ ដើម្បីអភិវឌ្ឍសង្គមជាតិ»។ ក្នុងនាមគណៈមេធាវីនៃព្រះរាជាណាចក្រកម្ពុជានិងក្នុងនាម ខ្ញុំផ្ទាល់ ខ្ញុំសូមថ្លែងអំណរគុណយ៉ាងជ្រាលជ្រៅបំផុត ចំពោះលោកជំទាវរដ្ឋមន្រ្តីក្រសួងកិច្ចការនារី ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី អ្នកនាង កញ្ញា សមាជិក សមាជិកាគណៈមេធាវីទាំងអស់ ដែលបានចូលរួមនៅក្នុងទិវាដ៏មានអត្ថន័យនាពេលនេះ។ ឆ្លៀតឱកាសនេះ! ខ្ញុំសូមកោតសរសើរចំពោះស្មារតីសាមគ្គីភាពរបស់សមាជិកគណៈមេធាវី នៃ ព្រះរាជាណាចក្រកម្ពុជាទាំងអស់ ដែលបានមូលមតិគ្នារៀបចំកម្មវិធីនេះឡើង ដើម្បីលើកស្ទួយកិត្យានុភាព សមាជិកគណៈមេធាវីដែលជាស្រ្តី។
យើងបានដឹងហើយថាទិវាអន្តជាតិនារី ៨ មីនា បាន កំណត់ឡើងតាមការសម្រេច របស់សន្និបាតអន្តរជាតិនារី ដែលមាន ប្រទេសចំនួន ១៧ បានចូលរួម នាឆ្នាំ១៩១០ នៅទីក្រុង កូប៉ែនហាក រដ្ឋធានីនៃប្រទេសដាណឺម៉ាក ដោយបានចាត់ទុកថាទិវាអន្តជាតិនារី ៨ មីនា ជាថ្ងៃមហាសាមគ្គីតស៊ូរបស់នារីពលករទូទាំងពិភពលោក ដើម្បីសិទ្ធិសេរីភាព ប្រជាធិបតេយ្យ ដោយភ្ជាប់ ជាមួយនឹងពាក្យស្លោកថា៖”មួយថ្ងៃធ្វើការ ៨ ម៉ោង””ធ្វើការស្មើគ្នា បៀវត្សស្មើគ្នា” “ ការពារសុខភាពមាតា និងទារក ” ។ នេះគឺជាលទ្ធផលដែលពិភពលោកបានទទួលពីការតស៊ូ រើបម្រះរបស់ពលករនារី និងកុមារ ចេញពីការកេងប្រវ័ញ្ចលើកម្លាំងពលកម្មនាចុងសតវត្សទី១៩ដែល បច្ចេកវិទ្យាមានការរីកចម្រើនយ៉ាងខ្លាំងក្លា។ តែបើយើងពិនិត្យពីទិដ្ឋភាពនៃសង្គមខ្មែរវិញ ដោយគិតចាប់តាំងពីសម័យបុរាណកាលមក ឃើញថាសង្គមខ្មែរយើងមានប្រពៃណីយកចិត្តទុក ដាក់ចំពោះនារី ឲ្យតម្លៃទៅលើនារី ដោយបានកំណត់និងប្រកាន់យករបបមាតាធិបតេយ្យ ដោយមានពាក្យស្លោក និងទំនៀមជាច្រើនបានដៅកំណត់ ដូចជា“សំណាបយោងដី ស្រីយោង ប្រុស” “ ប្រុសត្រូវចូលស្តីដណ្តឹងស្រី “ ។ល។ និងរាល់ពាក្យពេចន៍ខ្មែរដែលដៅសំគាល់អ្វីៗជាធំជាអ្នកដឹកនាំគឺ មានប្រើពាក្យ ”មេ” ជាបុព្វបទនៃពាក្យ ដូចជា មេទ័ព មេផ្ទះ មេជាង មេដំបូល។ល។ ទន្ទឹមនេះដែរ ប្រវត្តិសាស្ត្រក៏បានបង្ហាញថានារីបានទទួលឋានៈខ្ពស់ក្នុងការ ងារសង្គមដូចជានៅក្នុងសម័យកាលនៃការកកើតទឹកដី ប្រទេសខ្មែរដំបូងគឺ ព្រះនាងលីវ យី ជាមេដឹកនាំរដ្ឋ ហើយសម័យអង្គរ ព្រះនាងឥន្ទ្រទេវីបានរួមចំណែកយ៉ាងខ្លាំងក្លាក្នុងការងារសង្គម ជាតិ។ល។ទាំងនេះបានបង្ហាញ ថាតួនាទីស្ត្រីក្នុងសង្គមខ្មែរត្រូវបានលើកតម្កើងតាំងពីយូរយារណាស់មកហើយ។
អង្គពិធីជាទីគោរព! អ្វីដែលជាមោទនភាពរបស់យើងនាពេលបច្ចុប្បន្នគឺសង្គមខ្មែរកំពុង ត្រូវ បានអភិវឌ្ឍន៍ដោយរាជរដ្ឋាភិបាលនៃព្រះរាជាណាចក្រកម្ពុជា ដឹកនាំដោយសម្តេចអគ្គមហាសេនាបតីតេជោ ហ៊ុន សែន ទាំងលើការកសាងប្រទេស ទាំងការខិតខំលើកស្ទួយសីលធម៌ សង្គមឡើងវិញ ជាពិសេសគឺកិច្ចការពារចំពោះស្ត្រី និងកុមារ ។ ជាទីបញ្ចប់! ខ្ញុំសូមប្រសិទ្ធពរជ័យមហាប្រសើរជូនចំពោះលោកជំទាវរដ្ឋ មន្រ្តីក្រសួងកិច្ចការនារី ជាគណៈអធិបតី , ឯកឧត្តម លោកជំទាវ អ្នកឧកញ៉ា លោកឧកញ៉ា ជាភ្ញៀវកិត្តិយស ជាតិ អន្តរជាតិ , សមាជិក សមាជិកាក្រុមប្រឹក្សាគណៈមេធាវី សមាជិក សមាជិកាគណៈមេធាវី លោក លោកស្រីអ្នកនាងកញ្ញាជាសមាជិកអង្គពិធីទាំងមូលទទួលបានជ័យជំនះ នៅក្នុងការបំពេញភារកិច្ច និងទទួលបាននូវពុទ្ធពរ ទាំងបួន ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ សូមអរគុណ ! |
គេហទំព័រផ្សេងៗ
ឯកសារផ្សេងៗ
សូមផ្តល់យោបល់ ឬ សំណូមពរ
ការជ្រើសរើសឱ្យចូលរៀនវិជ្ជាជីវៈមេធាវី
ការជ្រើសរើសឱ្យចូលរៀនវិជ្ជាជីវៈមេធាវីជំនាន់ទី ១២ ឆ្នាំសិក្សា ២០១១-២០១៣វាយតម្លៃការដឹកនាំរបស់ប្រធានគណៈមេធាវី
តើការដឹកនាំរបស់ខ្ញុំអាណត្តិនេះដូចម្តេចដែរ? សូមចុចទីនេះដើម្បីវាយតម្លៃ!
អត្ថន័យសំគាល់ត្រាគណៈមេធាវី និងសំគាល់ត្រាមេធាវី
បញ្ជីសមាជិកគណៈមេថាវី
ស្វែងរកមេធាវី
ដើម្បីស្វែងរកមេធាវី សូមចូលទៅកាន់ទំព័រ សមាជិកគណៈមេធាវី តាមរយៈម៉ឺនុយខាងលើ ហើយចុចលើ មេធាវី
វចនានុក្រមច្បាប់
ស្ថិតិអ្នកទស្សនា
 | ថ្ងៃនេះ | 134 |
 | ម្សិលមិញ | 320 |
 | សប្តាហ៍នេះ | 810 |
 | សប្តាហ៍មុន | 2167 |
 | ខែនេះ | 4460 |
 | ខែមុន | 9697 |
 | សរុប | 216960 |
IP របស់អ្នក 38.107.179.206
,
កាលបរិច្ឆេទ ៖ 15 កុម្ភៈ, 2012