សុន្ទរកថារបស់ ឯកឧត្តម ជីវ សុងហាក់ ក្នុងពិធីបើកសិក្ខាសាលាស្តីពី(ក្រមរដ្ឋប្បវេណី) ក្រោមកិច្ចសហប្រតិបត្តិការ និងជំនួយឧបត្ថម្ភពីអង្គការ JICA កាលពីរសៀលថ្ងៃទី ២៥ ខែ ធ្នូ ឆ្នាំ ២០០៩ នៅ (CJCC)

ប្រធានគណៈមេធាវីអាណត្តិទី ៨

មាតិកា

លិខិតបទដ្ឋានគតិយុត្តនានា

ក្រមនីតិវិធីរដ្ឋប្បវេណី

អ្នកតំណាងតាមផ្លូវបណ្តឹង

កថាខណ្ឌទី២អ្នកតំណាងតាមផ្លូវបណ្តឹង

១. អត្ថន័យនៃអ្នកតំណាងតាមផ្លូវបណ្តឹង

អានលំអិត

ការដកហូតសមត្ថកិច្ចជំនុំជម្រះ និងបណ្តឹងដិតចិត្ត

មាត្រា ២៧.- ការដកហូតចៅក្រមពីសមត្ថកិច្ចជំនុំជម្រះ

អានលំអិត

ស្តាប់ចម្រៀងគណៈមេធាវី (និពន្ធដោយ ឯកឧត្តម ជីវ សុងហាក់)

ទំនាក់ទំនង

អាសយដ្ឋាន ៖ អគារលេខ ១០-១១E₀E₁E₂ ផ្លូវលេខ ១៨០ សង្កាត់បឹងរាំង ខណ្ឌដូនពេញ រាជធានីភ្នំពេញ។
ប្រអប់សំបុត្រលេខ ៖ ១៥៨៧
ទូរស័ព្ទលេខ ៖ (855) 23 220 237
ទូរសារលេខ ៖ (855) 23 213 658
អ៊ីម៉ែល ៖ info@bakc.org.kh

អ្នកអាចស្នើសុំ រី ផ្តល់យោបល់

សុន្ទរកថារបស់ ឯកឧត្តម ជីវ សុងហាក់ ក្នុងពិធីបើកសិក្ខាសាលាស្តីពី(ក្រមរដ្ឋប្បវេណី) ក្រោមកិច្ចសហប្រតិបត្តិការ និងជំនួយឧបត្ថម្ភពីអង្គការ JICA កាលពីរសៀលថ្ងៃទី ២៥ ខែ ធ្នូ ឆ្នាំ ២០០៩ នៅ (CJCC)

ថ្ងៃច័ន្ទ ទី24 ខែឧសភា ឆ្នាំ2010 ម៉ោង 13:21

លោក YUKIHAKU BAYASHI តំណាងជាន់ខ្ពស់អង្គការ JICA ប្រចាំព្រះរាជាណាចក្រកម្ពុជាជាទីគោរព
លោក លោកស្រី សមាជិក សមាជិកា ក្រុមប្រឹក្សាគណៈមេធាវីនៃព្រះរាជាណាចក្រកម្ពុជា ជាទីគោរព!
លោក អាំង អេងថុង នាយកមជ្ឈមណ្ឌលបណ្តុះបណ្តាលវិជ្ជាជីវៈមេធាវី ជាទីស្រលាញ់រាប់អាន!
លោក លោកស្រី វាគ្មិនទាំងអស់ ជាទីរាប់អាន!
លោក លោកស្រី សមាជិក សមាជិកា នៃអង្គសិក្ខាសាលាទាំងមូលជាទីមេត្រី

ថ្ងៃនេះ ខ្ញុំមានកិត្តិយស និងសេចក្តីសោមនស្សរីករាយជាអនេកកប្បកាដែលបានចូលរួមជាអធិបតី ក្នុងពិធីបើកអង្គសិក្ខាសាលាស្តីពី «ក្រមរដ្ឋប្បវេណី» ដែលរៀបចំឡើងដោយគណៈមេធាវីនៃព្រះរាជាណាចក្រកម្ពុជា ក្រោមកិច្ចសហប្រតិបត្តិការនិងជំនួយឧបត្ថម្ភរបស់អង្គការ JICA ។តាងនាមគណៈមេធាវីនៃព្រះរាជាណាចក្រកម្ពុជា និង ក្នុងនាមខ្ញុំផ្ទាល់ ខ្ញុំសូមស្វាគមន៍ យ៉ាងកក់ក្តៅបំផុត ចំពោះតំណាងជាន់ខ្ពស់អង្គការ JICA លោក លោកស្រី ជាវាគ្មិន លោក លោកស្រី អ្នកនាង កញ្ញា សមាជិក សមាជិកា គណៈមេធាវីនៃព្រះរាជាណាចក្រកម្ពុជា ដែលបានចូលរួមក្នុងអង្គសិក្ខាសាលានាពេលនេះ ។

ក្រោមកិច្ចសហប្រតិបត្តិការ និងជំនួយឧបត្ថម្ភពីអង្គការJICA និងសហព័ន្ធគណៈមេធាវីនៃប្រទេសជប៉ុន គណៈមេធាវីនៃព្រះរាជាណាចក្រកម្ពុជា បានរៀបចំសិក្ខាសាលាចំនួន ៥ដង រួចមកហើយ ចាប់តាំងពីឆ្នាំ២០០៧ រហូតមកដល់ឆ្នាំ ២០០៩នេះ ក្នុងនោះសិក្ខាសាលាលើកទី១ ស្តីពី«ក្រមនីតិវិធីរដ្ឋប្បវេណី និងសេចក្តីព្រាងក្រមរដ្ឋប្បវេណី» ដែលប្រារព្ធធ្វើឡើងនៅថ្ងៃទី ០៧-០៨ ខែ មីនា ឆ្នាំ ២០០៧ ។ សិក្ខាសាលាលើកទី២ និងលើកទី៣ ស្តីពី «ក្រមនីតិវិធីរដ្ឋប្បវេណី » ធ្វើឡើងកាលពីខែមីនា និង មិថុនា ឆ្នាំ ២០០៨ ។ សិក្ខាសាលាលើកទី៤ និងលើកទី៥ ស្តីពី«ការអនុវត្តដោយបង្ខំ និងការចាត់ចែងរក្សាការពារក្នុងក្រមនីតិវិធីរដ្ឋប្បវេណី» រៀបចំឡើងនៅខែ ធ្នូ ឆ្នាំ ២០០៨ និងនៅខែ ឧសភា ឆ្នាំ ២០០៩ ។

សិក្ខាសាលាស្តីពី «ក្រមរដ្ឋប្បវេណី»នេះ គឺជាសិក្ខាសាលាលើកទី៦ ស្របទៅនឹងផែនការយុទ្ធសាស្រ្តរបស់គណៈមេធាវីនៃព្រះរាជាណាចក្រ កម្ពុជាអាណត្តិទី៧ ក្នុងការពង្រឹង និងបង្កើនសមត្ថភាពដល់សមាជិក សមាជិកាមេធាវី តាមរយៈការអប់រំបន្ត ។ ទោះបីជាក្រមនេះមិនទាន់បានអនុវត្តក៏ដោយ ប៉ុន្តែវាជាច្បាប់សារធាតុមួយ និង ជាមូលដ្ឋានគ្រឹះ សម្រាប់មេធាវីគ្រប់រូប ធ្វើការពិចារណាក្នុងការការពារក្តីរឿងរដ្ឋប្បវេណី ។

ខ្ញុំសង្ឃឹមថា លោក លោកស្រី និងទទួលបាននូវចំណេះដឹង និងបទពិសោធន៍ថ្មីៗថែមទៀតពីសិក្ខាសាលានេះ សម្រាប់ប្រើប្រាស់ផ្ទាល់ខ្លួន និងជួយដល់ប្រព័ន្ធយុត្តិធម៌នៅកម្ពុជា ឲ្យកាន់តែល្អប្រសើរឡើងថែមទៀត ។ ម៉្យាងទៀតយើងជាមេធាវីត្រូវមានចំនេះដឹងគ្រប់គ្រាន់ មានសីលធម៌ល្អ គោរពច្បាប់ ស្មោះត្រង់ជាមួយនឹងអតិថិជនរបស់ខ្លួន និងចេះជួយអប់រំដល់អ្នកទន់ខ្សោយ ដើម្បីអោយពួកគេបានយល់ពីសិទ្ធិ កាតព្វកិច្ច និងការគោរពច្បាប់ ។

ខ្ញុំសូមអោយអស់លោក លោកស្រី នឹងអង្គសិក្ខាសាលាទាំងមូល យកចិត្តទុកដាក់ត្រង់ត្រាប់ ស្តាប់នូវការឧទេ្ទសនាម ពន្យល់របស់វាគ្មិន និងពិភាក្សាសួរដេញដោលអោយបានផុសផុលដើម្បីអោយសិក្ខាសាលានេះជា សិក្ខាសាលាមួយដ៏មានសារៈប្រយោជន៍បំផុតចំពោះអស់លោក លោកស្រី ។

មុននឹងបញ្ចប់ ខ្ញុំសូមថ្លែងអំណរគុណដល់រាជរដ្ឋាភិបាលនៃព្រះរាជាណាចក្រកម្ពុជា ដែលបានបង្កើត«ក្រមរដ្ឋប្បវេណី»នេះឡើង ក្រោមជំនួយឧបត្ថម្ភរបស់រាជរដ្ឋាភិបាលជប៉ុន និងសូមថ្លែងអំណរគុណដល់អង្គការ JICA ដែលបានជួយផ្តល់ថវិកា ដល់គណៈមេធាវីនៃព្រះរាជាណាចក្រកម្ពុជា ដើម្បីរៀបចំសិក្ខាសាលានេះឡើង ។ ហើយខ្ញុំសង្ឃឹមថា អង្គការJICA ក៏ដូចជា សហព័ន្ធគណៈមេធាវីប្រទេសជប៉ុន នឹងបន្តជួយដល់គណៈមេធាវីនៃព្រះរាជាណាចក្រកម្ពុជានៅថ្ងៃអនាគត ទៀតជាក់ជាមិនខាន ។

ឆ្លៀតក្នុងឱកាសនេះ ខ្ញុំសូមថ្លែងអំណរគុណដល់រាជរដ្ឋាភិបាលនៃព្រះរាជាណាកច្រជប៉ុន ដែលបានផ្តល់ថវិកា ដល់គណៈមេធាវីនៃព្រះរាជាណាចក្រកម្ពុជា ក្នុងការសាងសង់អគាររដ្ឋបាលគណៈមេធាវីថ្មី ហើយអគារនេះនឹងចាប់ផ្តើមសាងសង់នៅពេលដ៏ខ្លីខាងមុខនេះ ។

ជាទីបញ្ចប់ខ្ញុំសូមជូនពរដល់អស់លោក លោកស្រី អ្នកនាងកញ្ញា ភ្ញៀវជាតិ និងអន្តរជាតិ ដែលបានចូលរួមក្នុងអង្គសិក្ខាសាលានាពេលនេះ សូមប្រកបតែសេចក្តីសុខ សេចក្តីចម្រើន និងទទួលបានពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។ សូមជូនពរអោយការស្នាក់នៅរបស់អស់លោក លោកស្រី វាគ្មិនទាំងអស់ ក្នុងប្រទេសកម្ពុជាប្រកបទៅដោយសេចក្តីសុខ និងសុខភាពល្អ ។

ខ្ញុំសូមប្រកាសបើកអង្គសិក្ខាសាលាស្តីពី«ក្រមរដ្ឋ ប្បវេណី»ចាប់ពីនេះតទៅ

សូមអរគុណ

បានបន្ទាន់សម័យចុងក្រោយបំផុតនៅ ថ្ងៃច័ន្ទ ទី24 ខែឧសភា ឆ្នាំ2010 ម៉ោង 13:25

គេហទំព័រផ្សេងៗ

ឯកសារផ្សេងៗ

សូមផ្តល់យោបល់ ឬ សំណូមពរ

ការជ្រើសរើសឱ្យចូលរៀនវិជ្ជាជីវៈមេធាវី

ការជ្រើសរើសឱ្យចូលរៀនវិជ្ជាជីវៈមេធាវីជំនាន់ទី ១២ ឆ្នាំសិក្សា ២០១១-២០១៣

មេធាវីដែលត្រូវទទួលទណ្ឌកម្មជាបទវិន័យ និងហាមឃាត់មិនឱ្យប្រកបវិជ្ជាជីវៈមេធាវី

វាយតម្លៃការដឹកនាំរបស់ប្រធានគណៈមេធាវី

តើការដឹកនាំរបស់ខ្ញុំអាណត្តិនេះដូចម្តេចដែរ? សូមចុចទីនេះដើម្បីវាយតម្លៃ!

អត្ថន័យសំគាល់ត្រាគណៈមេធាវី និងសំគាល់ត្រាមេធាវី

បញ្ជីសមាជិកគណៈមេថាវី

ស្វែងរកមេធាវី

ដើម្បីស្វែងរកមេធាវី សូមចូលទៅកាន់ទំព័រ សមាជិកគណៈមេធាវី តាមរយៈម៉ឺនុយខាងលើ ហើយចុចលើ មេធាវី

វចនានុក្រមច្បាប់

ស្ថិតិអ្នកទស្សនា

	ថ្ងៃនេះ	133
	ម្សិលមិញ	320
	សប្តាហ៍នេះ	809
	សប្តាហ៍មុន	2167
	ខែនេះ	4459
	ខែមុន	9697
	សរុប	216959