និពន្ធដោយលោកមេធាវីជីវ សុងហាក់ ប្រធានគណៈមេធាវីអាណត្តិទី ៧ និង ​ទី ៨

ឱលោកអ្នកច្បាប់មេធាវី                           អ្នកប្រាជ្ញពេញទីគួរគោរព
ប្រតិបត្តិតាមច្បាប់ទាំងថ្ងៃយប់                  មិនត្រូវសេពគប់អយុត្តិធម៌។

ដោយអ្នកបានស្បថគោរពច្បាប់               ធ្វើជាតំរាប់អំពើល្អ

ការពារអ្នកមាននឹងអ្នកក្រ                        មិនប្រកាន់ពណ៌គ្រប់ស្រទាប់។

បើអ្នកធ្វើបានតាមសម្បថ                         អ្នកនឹងប្រាកដកើនធនទ្រព្យ
ដោយមនុស្សគ្រប់រូបពេញចិត្តគាប់            លើកស្ទួយជាប់លាប់ផ្គាប់មិនដាច់។

ជ្រើសរើសយកធ្វើជាតំណាង                   ដោយក្នុងចិត្តអាងមានជាស្រេច
ការពារអោយខ្លួនបានសម្រេច                  ជោគជ័យផ្តាច់ៗតាមតម្រា។

ដូច្នេះមិនត្រូវភ្លាំងភ្លាត់ឡើយ                    មេធាវីអើយចាំអក្ខរា
មានក្រមសីលធម៌យើងបានចារ               ច្បាប់ក្រមនោះណាការពារអ្នក។