ភ្នំពេញ​ ៖​ ​ព្រឹកថ្ងៃទី ១២ ខែ មិនា ឆ្នាំ​២០១៣ ​នេះ​គណៈមេធាវី​នៃព្រះរាជាណាចក្រកម្ពុជា និង​គណៈ​កម្មាធិការ​ប្រព្រឹត្តិកម្មនៃអង្គការ​-សមាគម​ការពារសិទ្ធិ​មនុស្ស​កម្ពុជា ​បាន​​រៀបចំ​សិក្ខាសាលា​មួយ​ស្តីពី​ «ការអនុវត្ត​កេរដំណែល​របស់​អង្គ​ជំនុំ​ជម្រះ​វិសាមញ្ញ​ក្នុង​តុលាការ​កម្ពុជា​​សម្រាប់ការកែទម្រង់​ច្បាប់ និង​ប្រព័ន្ធយុត្តិធម៌​ជាតិ»  នៅសណ្ឋាគារ សាន់វ៉េ ។ ថ្លែងទៅកាន់​​អង្គសិក្ខាសាលា​លោក​មេធាវី ប៊ុន ហុន ប្រធាន​គណៈមេធាវី​នៃព្រះរាជាណាចក្រកម្ពុជា បាន​មាន​ប្រសាសន៍ ថា កិច្ច​ពិភាក្សា​​អំពីទស្សនៈ​នានា​ជុំវិញ​បញ្ហា​កេរដំណែល​​របស់ អ.វ.ត.ក នៅក្នុង​សិក្ខាសាលា​ពី​មុន បាន​អនុញ្ញាត​ឲ្យ​យើង​ឃើញ​យ៉ាង​ច្បាស់​អំពី​មេរៀន និង​បទពិសោធន៍​នៃ​ការ​អនុវត្ត​ល្អ​របស់​ អ.វ.ត.ក ដូចជា កេរដំណែលខាងផ្នែកយុត្តិធិកា  កេរដំណែលខាងផ្នែក​សកម្មភាពផ្សព្វផ្សាយ និង​ការទុកដាក់​ និងចងក្រង​ឯកសារ​ការងារ​ កេរ​ដំណែល​ខាង​ផ្នែក​ចិត្ត​សាស្រ្ត​ កេរ​ដំណែល​ចំពោះ​ការ​ទទួល​បាន​ និង​ស្វែង​រក​យុត្តិធម៌​ សម្រាប់ស្រ្តី ។ កេរដំណែលទាំងអស់​នេះ​នឹងក្លាយទៅជា​ធាតុ​ចូល​ យ៉ាង​សំខាន់​បំផុត​នៅ​ក្នុង​កិច្ច​កំណែទម្រង់​ច្បាប់ និងប្រព័ន្ធយុត្តិធម៌របស់​កម្ពុជា ដើម្បីជម្រុញបន្ថែមទៅ​លើ​យុទ្ធសាស្រ្ត កំណែទម្រង់​របស់​រាជរដ្ឋាភិបាល​ គឺយុទ្ធសាស្រ្ត​កំណែទម្រង់ច្បាប់ និង​ប្រព័ន្ធយុត្តិ​ធម៌​ ។  ​រាជរដ្ឋាភិបាល​កម្ពុជា​ក៏ទទួលផងដែរ​ថា កំណែទម្រង់​គឺ ជាកិច្ចការ​ស្លាប់​រស់​របស់កម្ពុជា​ ហើយ​កំណែទម្រង់​ច្បាប់​និង​ប្រព័ន្ធយុត្តិធម៌គឺ ជា បញ្ហា​អាយុជីវិត​របស់​ប្រទេសជាតិ ។ ជាពិសេស​ កេរដំណែល​នេះ​នឹង​អាច​ត្រូវ​យកទៅ​អនុវត្ត​ជាមួយ​យុទ្ធសាស្រ្ត​ទាំង​៧ របស់​​រាជរដ្ឋាភិបាល​​ក្នុង​កំណែទម្រង់​ច្បាប់​និង​ប្រព័ន្ធយុត្តិធម៌​ដែលមាន​ដូចជា ៖ ១.ការពារសិទ្ធិ​ និងសេរីភាពបុគ្គល ២.ធ្វើ​ទំនើប​កម្ម​ក្របខណ្ឌច្បាប់​ ៣.ផ្តល់ដល់ប្រជាពលរដ្ឋ​នូវ​លទ្ធភាព​ទទួលបាន​ព័ត៌មាន​ពីច្បាប់ និង​តុលាការ ៤.ធ្វើឲ្យដំណើរការរឿង​ក្តី និងសេវាកម្ម​ពាក់ព័ន្ធ​មានគុណភាព​ល្អ ៥.ពង្រឹងសេវាកម្ម​យុត្តិធម៌ រួមមាន​​អំណាចតុលាការ និងសេវាកម្ម​អយ្យការ ៦.បញ្ចូលការដោះស្រាយ​វិវាទក្រៅប្រព័ន្ធតុលាការ​ (មិនមាន​ក្នុងកេរដំណែល) ៧​.ពង្រឹង​ស្ថាប័ននៃ​វិស័យច្បាប់ និង​តុលាការ​ឲ្យ​បំពេញអាណត្តិ​របស់​ខ្លួន​បាន​សម្រេច​​ ។​ ចំណែក​ឯ​លោក​ ធន សារាយ តំណាង​គណៈ​កម្មាធិការ​ប្រព្រឹត្តិកម្ម និង​ជា​ប្រធាន​សមាគម​អាដហុក ​​បានលើកឡើង​ថា សិក្ខាសាលា​ថ្ងៃនេះ​​មាន​គោលបំណង​សំខាន់​ៗ​ចំនួន៤ គឺ

១.ផ្តួចផ្តើម​គំនិត​ក្នុងការ​គិត​គូរ​អំពី​កេរដំណែល​ល្អៗ នៃ អ.វ.ត.ក ជាពិសេស អំពី​របៀបដែល​ត្រូវ​ផ្ទេរ​នូវ​ចំណុចល្អៗនោះទៅ​កាន់​ប្រព័ន្ធតុលាការ​ជាតិ​

២.​ពិភាក្សា​នូវ​ទិដ្ឋភាព​កេរដំណែល​ល្អៗ ដែលអាចយក​ទៅអនុវត្តន៍​នៅ​ក្នុង​វិស័យ​កំណែទម្រង់​ច្បាប់​និងប្រព័ន្ធយុត្តិធម៌

៣.ពិភាក្សា​នូវ​តួនាទី​របស់សង្គម​ស៊ីវិល​ និងគណៈមេធាវី ក្នុងដំណើរការ​កែទម្រង់​ច្បាប់ និងប្រព័ន្ធយុត្តិធម៌

៤.ផ្តួចផ្តើម​រៀបចំផែនការ​សកម្មភាព​សម្រាប់​សង្គម​ស៊ីវិល​នៅក្នុង​ដំណើរ​ការ​សកម្មភាព​កំណែទម្រង់​ច្បាប់ និង​ប្រព័ន្ធយុត្តិធម៌ ។​

ភ្នំពេញ៖ ល្ងាចថ្ងៃទី ០៧ ខែ មិនា ឆ្នាំ ២០១៣ នេះ នៅអគារ​គណៈមេធាវី​​បាន​រៀបចំ​កម្ម

គណៈមេធាវីបាន​សហការ​​ជាមួយ​ទីភ្នាក់​ងារ​​សហ​ប្រតិបត្តិ​ការ​អន្តរជាតិ​នៃ​​ប្រទេស​ជប៉ុន (JICA) នឹងរៀប​ចំសិក្ខា​សាលា​​ស្តីពី “សន្តតិកម្ម​តាមច្បាប់” នៅថ្ងៃ ពុធ ទី ២០ ខែ មីនា​ ឆ្នាំ ២០១៣ ចាប់ពីម៉ោង ០៨:០០ ដល់ម៉ោង ១៧:០០ នៅទីស្នាក់​ការ​គណៈ​មេធាវី។ សិក្ខា​សាលា​នេះ​ត្រូវ​ការ​​សិក្ខា​កាម​ចំនួន ១៥០ រូប ប៉ុណ្ណោះ សូម​សមាជិក​គណៈ​មេធាវី​ទាំងអស់​អញ្ជើញ​ចុះឈ្មោះ​ឱ្យ​​បាន​រួសរាន់​ព្រោះ​​កន្លែង​មានកំណត់។ កម្មវិធី​សិក្ខា​សាលា​មាន​ភ្ជាប់​ក្នុង​​លិខិត​ខាងក្រោម៖

Attachments:

2013_196.pdf

1198 Kb