ពិធីអបអរសាទរទិវាអន្តរជាតិនារី ៨ មីនា ខួបលើកទី ១០៦

     នៅថ្ងៃទី១០ ខែមីនា ឆ្នាំ២០១៧ វេលាម៉ោង ០៣ រសៀល គណៈមេធាវីនៃព្រះរាជាណាចក្រកម្ពុជាបានរៀបចំពិធីអបអរសាទរទិវាអន្តរជាតិនារី ៨ មីនា ខួបលើកទី ១០៦ ក្រោមប្រធានបទ “ស្ត្រី ដើម្បីសុខសន្តិភាព និងវឌ្ឍនភាព” ក្រោមអធិបតីភាពលោកមេធាវី សួន វិសាល ប្រធានគណៈមេធាវីនៃព្រះរាជាណាចក្រកម្ពុជា និងលោកជំទាវ និងមានការអញ្ជើញចូលរួមជាកិត្តិយសពីសំណាក់លោកជំទាវ ចាន់ សុទ្ធាវី រដ្ឋលេខាធិការក្រសួងយុត្តិធម៌ និងឯកឧត្តម ជីវ សុងហាក់ អនុប្រធានក្រុមប្រឹក្សាអ្នកច្បាប់ទីស្តីការគណៈរដ្ឋមន្រ្តី សមាជិក-សមាជិកាក្រុមប្រឹក្សាគណៈមេធាវី សមាជិក-សមាជិកាគណៈមេធាវី ព្រមទាំងបុគ្គលិកស្ត្រីនៃគណៈមេធាវី។
     បន្ទាប់ពីបង្ហាញនូវប្រវត្តិសិទ្ធិនារី អានព្រះរាជសារសម្តេចម៉ែ និងមតិសំណេះសំណាលរួចមក លោកមេធាវី សួន វិសាល ប្រធានគណៈមេធាវីនៃព្រះរាជាណាចក្រកម្ពុជា និងលោកជំទាវ បានផ្តល់កិត្តិយសជូនវត្ថុអនុស្សាវរីយ៍ជាសំពត់ផាមួង ជូនដល់មេធាវីស្រ្តីទាំងអស់ដែលបានចូលរួម និងបុគ្គលិកស្ត្រីនៃគណៈមេធាវី។ បន្ទាប់មកទៀត លោកមេធាវី សួន វិសាល ប្រធានគណៈមេធាវីនៃព្រះរាជាណាចក្រកម្ពុជា និងលោកជំទាវ បានអញ្ជើញភ្ញៀវដែលបានចូលរួមទាំងអស់ ពិសារអាហារសាមគ្គី ដើម្បីអបអរសាទរទិវាអន្តរជាតិនារី ៨ មីនា ខួបលើកទី ១០៦ នេះ។ កម្មវិធីជប់លៀងបានប្រព្រឹត្តិទៅក្រោមបរិយាកាសសប្បាយរីករាយ ដែលឆ្លុះបញ្ចាំងពីការផ្តល់តម្លៃដល់មេធាវីស្ត្រី និងបុគ្គលិកស្ត្រី ទាំងអស់នៃគណៈមេធាវី។
​​IMG 6750
IMG 6831
IMG 6781
IMG 6780
IMG 6854
IMG 6861
IMG 6869

ទំនាក់ទំនង

អគារស្ថិតនៅ​កាត់ជ្រុង​ផ្លូវលេខ ១១២៩ និង​ផ្លូវ​លេខ ១៩៣០ សង្កាត់​ភ្នំពេញថ្មី ខណ្ឌសែនសុខ រាជធានីភ្នំពេញ
ទូរស័ព្ទលេខ ៖ (៨៥៥) ២៣ ៨៦៤ ០៧៨
ទូរសារ ៖ (៨៥៥) ២៣ ៨៦៤ ០៧៦
អ៊ីម៉ែល អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​បណ្ដា​យន្ត​ផ្ញើ​សារ​រំខាន ។ អ្នក​ត្រូវ​ការ​បើក​ប្រើ JavaScript ដើម្បី​មើល​វា ។
គេហទំព័រ ៖ www.bakc.org.kh

Connet With Us

  

រូបភាព